സിംഗപ്പൂരിൽ 10,244 പുതിയ കേസുകൾ; 3 മരണം

സിംഗപ്പൂരിൽ ശനിയാഴ്ച 10,244 പുതിയ കൊവിഡ് കേസുകൾ കൂടി റിപ്പോർട്ട് ചെയ്തു. ഇതോടെ ആകെ കേസുകളുടെ എണ്ണം 1,007,158 ആയി. 2,241 കേസുകൾ പിസിആർ (പോളിമറേസ് ചെയിൻ റിയാക്ഷൻ) ടെസ്റ്റുകളിലൂടെയും, 8,003 കേസുകൾ എആർടി (ആന്റിജൻ റാപ്പിഡ് ടെസ്റ്റ്) ടെസ്റ്റിലൂടെയും കണ്ടെത്തിയതായി ആരോഗ്യ മന്ത്രാലയം അറിയിച്ചു.

പിസിആർ ടെസ്റ്റിൽ 2,190 പേർക്ക് സമ്പർക്കത്തിലൂടെയാണ് രോഗം സ്ഥിരീകരിച്ചത്. 51 പേർ പുറത്തുനിന്നും എത്തിയവരാണ്. എആർടി കേസുകളിൽ യഥാക്രമം 7,912 ഉം 91 ഉം ആണ്. 1,130 പേരാണ് നിലവിൽ ആശുപത്രികളിൽ ചികിത്സയിലുള്ളത്. ഇതിൽ 27 രോഗികൾ തീവ്രപരിചരണ വിഭാഗത്തിലും. കഴിഞ്ഞ 24 മണിക്കൂറിനിടെ മൂന്ന് മരണങ്ങൾ റിപ്പോർട്ട് ചെയ്തു. ഇതോടെ മൊത്തം മരണസംഖ്യ 1,194 ആയി.

Story Highlights: singapore-covid-cases