Advertisement

ആഡംബരങ്ങൾ ഒഴിവാക്കി സമൂഹ വിവാഹം; 19 യുവതീ യുവാക്കൾ പുതിയ ജീവിതത്തിലേക്ക്

March 22, 2022
1 minute Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

ആഡംബരങ്ങളെല്ലാം ഒഴിവാക്കി കാസർഗോഡ് കുമ്പള പെരുതണ മുച്ചിലോട്ട് ഭഗവതി ക്ഷേത്രത്തിൽ 19 യുവതീ യുവാക്കൾ വിവാഹിതരായി. വർഷത്തിൽ രണ്ട് തവണ മാത്രം നടക്കുന്ന പെരുതണ സമൂഹ വിവാഹ ചടങ്ങിൽ പങ്കാളികളാകാൻ നിരവധി പേരാണ് എത്തിയത്.

വിവാഹ ആഡംബരം വിമർശന വിധേയമാകുന്ന ഈ കാലത്ത് ഒരേ വേദിയിൽ പല ജീവിതങ്ങൾ ഒത്തുചേരുകയാണ് ഇവിടെ. ദക്ഷിണേന്ത്യയിൽ ആദ്യമായി സമൂഹ വിവാഹം ആരംഭിച്ചത് ഈ ക്ഷേത്ര അങ്കണത്തിലാണ്. ആയിരം രൂപ മാത്രമാണ് ക്ഷേത്രത്തിലെ ചിലവ്. വിവാഹ ചടങ്ങുകൾക്കെത്തുന്നവർക്ക് ഭക്ഷണവും നൽകിയാണ് ആഘോഷങ്ങൾ അവസാനിക്കുന്നത്.

മീന മാസത്തിലെ സമൂഹ വിവാഹത്തിൽ പത്തൊമ്പത് യുവതീ യുവാക്കൾ പുതിയ ജീവിതത്തിലേക്ക് പ്രവേശിച്ചു. ചന്ദ്രഗിരിക്ക് വടക്കുള്ള വാണിയ സമുദായ അംഗങ്ങൾ ഈ ക്ഷേത്രത്തിൽവച്ച് മാത്രമെ വിവാഹിതരാകാവുവെന്നാണ് ആചാരം. വിവാഹ ആർഭാടങ്ങൾ ഒഴിവാക്കുക മാത്രമല്ല, സ്ത്രീധനമെന്ന സാമൂഹിക വിപത്തിനെ പൂർണമായി അകറ്റി നിർത്തുകകൂടിയാണ് ഇതിലൂടെ ലക്ഷ്യമിടുന്നത്.

Story Highlights: community marriage kasargod

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement