എംവി ജയരാജനെതിരെ പൊലീസിൽ പരാതി

കെപിസിസി പ്രസിഡന്റ് കെ സുധാകരനെതിരായ പരാമർശത്തിന്റെ പേരിൽ സി.പി.എം കണ്ണൂർ ജില്ല സെക്രട്ടറി എംവി ജയരാജനെതിരെ യൂത്ത് കോൺ​ഗ്രസ് പൊലീസിൽ പരാതി നൽകി. എംവി ജയരാജന്റെ പ്രസ്താവന കലാപമുണ്ടാക്കണമെന്ന ദുഷ്ടലാക്കോടെയാണെന്ന് യൂത്ത് കോൺ​ഗ്രസ് ആരോപിക്കുന്നു.

പന്തീരാണ്ട്​ കാലം പട്ടിയുടെ വാല്​ കുഴലിലിട്ടാലും നേരെയാകില്ലെന്നും, ഇതുപോലെ​ കെ.പി.സി.സി പ്രസിഡന്‍റ്​ കെ. സുധാകരനെ എത്രകാലം കുഴലിലിട്ടാലും നേരെയാക്കാൻ കോൺഗ്രസിനാകില്ലെന്നുമായിരുന്നു എം.വി. ജയരാജന്റെ പരാമർശം. മുഖ്യമന്ത്രി പിണറായി വിജയനെതിരായ സുധാകരന്‍റെ പരാമർശങ്ങളോട്​ പ്രതികരിക്കവേയാണ് എം.വി. ജയരാജൻ ഇത്തരത്തിൽ പ്രതികരിച്ചത്.

Read Also: കെ സുധാകരനെതിരെ കേസ്; നടപടി അപഹാസ്യമെന്ന് രമേശ് ചെന്നിത്തല

ധിക്കാരവും അധിക്ഷേപവുമാണ്​ കെ സുധാകരന്‍റെ മുഖമുദ്ര. താൻ കഴിഞ്ഞേയുള്ളു മറ്റാരും എന്നതാണ്​ സുധാകരന്‍റെ നിലപാടെന്നും ജയരാജൻ കുറ്റപ്പെടുത്തിയിരുന്നു. എൽ.ഡി.എഫിന്​ അനുകൂല സാഹചര്യമാണ്​ തൃക്കാക്കരയിൽ. വികസനവും ക്ഷേമവും ഒപ്പം മികച്ച സ്ഥാനാർത്ഥിയും എല്ലാം ചേരുന്നതാകും വിജയം. തദ്ദേശ തെരഞ്ഞെടുപ്പിൽ എൽ.ഡി.എഫിന്​ സീറ്റ്​ വർധിക്കുകയാണ്​ ചെയ്തതെന്നും എം.വി. ജയരാജൻ മാധ്യമപ്രവർത്തകരോട്​ പറഞ്ഞു.

Story Highlights: Police lodge complaint against MV Jayarajan