പ്രാർത്ഥനകൾ ഫലം കണ്ടു; ഗൗരി ലക്ഷ്മിക്ക് സഹായം എത്തി; 25 ലക്ഷം രൂപ യൂസഫ് അലി നൽകും

ഗൗരി ലക്ഷ്മിക്ക് യൂസഫലി 25 ലക്ഷം പ്രഖ്യാപിച്ചു. ട്വന്റിഫോർ വാർത്തയെ തുടർന്നാണ് സഹായം. നാളെ തുക വീട്ടിലെത്തി കൈമാറും. ( yusuf ali offers 25 lakhs for gouri lekshmi )

സ്‌പൈനൽ മസ്‌കുലാർ അട്രോഫി രോഗം ബാധിച്ച രണ്ടര വയസുകാരി ഗൗരി ലക്ഷ്മിയുടെ കുടുംബം നാളെ ചികിത്സയ്ക്കായി കോഴിക്കോട്ടേക്ക് തിരിക്കുകയാണ്. 16 കോടി രൂപ ആവശ്യമായ ഗൗരിയുടെ മരുന്നിന് ഇതുവരെ 13 കോടിയും മാത്രമാണ് ലഭിച്ചിട്ടുള്ളത്. ബാക്കി തുക കൂടി ഉടനെ കണ്ടെത്താനാകുമെന്ന പ്രതീക്ഷ കൈവിട്ടിട്ടില്ല ഗൗരിയുടെ കുടുംബം. ഈ വാർത്ത റിപ്പോർട്ട് ചെയ്ത് തൊട്ടുപിന്നാലെയാണ് യൂസഫ് അലി സഹായ ഹസ്തവുമായി എത്തിയത്.

Read Also: ഗൗരി ലക്ഷ്മിയുടെ കുടുംബം നാളെ കോഴിക്കോട്ടേക്ക്; ഇനിയും വേണം മൂന്ന് കോടി കൂടി രൂപ

ഗൗരി ലക്ഷ്മിയുടെ ചികിത്സയ്ക്കായുള്ള മരുന്ന് ഈയാഴ്ച തന്നെ വിദേശത്ത് നിന്നെത്തും. മരുന്നെത്തിയാൽ ഉടനെ അഡ്മിറ്റ് ചെയ്യണം. ഷൊർണ്ണൂർ കൊളപ്പുളളിയിലാണ് ഗൗരി ലക്ഷ്മിയുടെ വീട്. സമൂഹത്തിന്റെ നാനാതുറകളിൽ നിന്നുള്ളവരുടെ സഹായത്താൽ മാസ് ക്യാംപെയിനിങ്ങിലൂടെയാണ് 13 കോടി ഇതുവരെ ലഭിച്ചത്.

നമുക്കും കൈകോർക്കാം–

ACCOUNT NUMBER – 4302001700011823
IFSC CODE – PUNB0430200
PHONE – 9847200415

Story Highlights: yusuf ali offers 25 lakhs for gouri lekshmi