‘സ്പ്രിംഗ്ലറിന്റെ മാസ്റ്റര്‍ ബ്രെയിന്‍ വീണാ വിജയന്‍’; ശിവശങ്കര്‍ ബലിയാടായെന്ന് സ്വപ്‌ന സുരേഷ്

സ്പ്രിംഗ്ലറിന്റെ മാസ്റ്റര്‍ ബ്രെയ്ന്‍ വീണാ വിജയനെന്ന് സ്വപ്‌ന സുരേഷ്. ഡേറ്റാ ബേസ് വിറ്റതിന് പിന്നില്‍ വീണാ വിജയനെന്ന് എം ശിവശങ്കര്‍ തന്നോട് പറഞ്ഞിട്ടുണ്ടെന്നാണ് സ്വപ്‌ന സുരേഷ് പറയുന്നത്. (veena vijayan is the master brain behind sprinklr says swapna suresh)

മുഖ്യമന്ത്രി പിണറായി വിജയനെതിരെ വീണ്ടും ഗുരുതര ആരോപണങ്ങളാണ് സ്വപ്‌ന സുരേഷ് ഉന്നയിച്ചത്. ക്ലിഫ് ഹൗസില്‍ രഹസ്യചര്‍ച്ചയ്ക്ക് താന്‍ തനിച്ച് പോയിട്ടുണ്ടെന്ന് സ്വപ്ന സുരേഷ് പറഞ്ഞു. നിയമസഭയില്‍ മുഖ്യമന്ത്രി പറഞ്ഞതെല്ലാം കള്ളമാണ്. ക്ലിഫ് ഹൗസിലേയും സെക്രട്ടറിയേറ്റിലേയും സിസിടിവി ദൃശ്യങ്ങള്‍ പുറത്തുവിടാന്‍ തയാറാകണമെന്നും സ്വപ്‌ന പറയുന്നു. തന്റെ കൈയിലും സിസിടിവി ദൃശ്യങ്ങളുണ്ടെന്നും സ്വപ്‌ന സുരേഷ് കൂട്ടിച്ചേര്‍ത്തു.

Read Also: ‘രഹസ്യ ചര്‍ച്ചയ്ക്കായി ക്ലിഫ് ഹൗസില്‍ തനിച്ച് പോയിട്ടുണ്ട്’; വീണ്ടും മുഖ്യമന്ത്രിക്കെതിരെ സ്വപ്‌ന സുരേഷ്

2016 മുതല്‍ 2020 വരെയുള്ള സിസിടിവി ദൃശ്യങ്ങള്‍ പുറത്തുവിടണമെന്നാണ് സ്വപ്‌ന സുരേഷിന്റെ ആവശ്യം. മറന്നുവച്ച ബാഗ് എന്തിനാണ് നയതന്ത്ര ചാനല്‍ വഴി കൊണ്ടുപോയതെന്ന് സ്വപ്‌ന സുരേഷ് ചോദിച്ചു. ബാഗില്‍ ഉപഹാരമായിരുന്നെങ്കില്‍ അത് നയതന്ത്ര ചാനല്‍ വഴി കൊണ്ടുപോകേണ്ട ആവശ്യമുണ്ടായിരുന്നോ എന്നും സ്വപ്‌ന സുരേഷ് ചോദിച്ചു.

താനല്ല മറിച്ച് മുഖ്യമന്ത്രിയാണ് കള്ളം പറയുന്നതെന്ന് സ്വപ്‌ന സുരേഷ് ആരോപിക്കുന്നു. പരിശുദ്ധമായ നിയമസഭയെ മുഖ്യമന്ത്രി തെറ്റിദ്ധരിപ്പിച്ചു. ഷാജ് കിരണ്‍ ഇടനിലക്കാരനായാണ് തന്നെ വന്നുകണ്ടത്. ഷാജ് കിരണ്‍ ഇടനിലക്കാരനല്ലെങ്കില്‍ പിന്നെ എന്തിനാണ് എഡിജിപി അജിത്കുമാറിനെ മാറ്റിയതെന്നും സ്വപ്‌ന സുരേഷ് ചോദിക്കുന്നു.

Story Highlights: veena vijayan is the master brain behind sprinklr says swapna suresh