ചിക്കൻ പോക്സും കുരങ്ങ് പനിയും തമ്മിലെങ്ങനെ തിരിച്ചറിയാം ?
കുരങ്ങ് പനിയുടെ പ്രധാന ലക്ഷണങ്ങളാണ് അതിശക്മായ തലവേദന, പനി, ജോയിന്റ് പെയിൻ, ശരീര വേദന, ക്ഷീണം എന്നിവ. എന്നാൽ ഈ അഞ്ച് ലക്ഷണങ്ങളും മറ്റ് പനികളിലുമുണ്ടാകും. അതുകൊണ്ട് തന്നെ വിവിധയിനം പനികൾ തമ്മിൽ തിരിച്ചറിയാൻ ബുദ്ധിമുട്ടുണ്ടാകും. എങ്ങനെയാണ് ചിക്കൻ പോക്സ്, കുരങ്ങ് പനി, തക്കാളി പനി എന്നിവ തമ്മിൽ ചിരിച്ചറിയുന്നത് ? ഈ ചോദ്യത്തിന് ഉത്തരം നൽകുകയാണ് ഡോ.ഡാനിഷ് സലിം ട്വന്റിഫോറിലൂടെ. ( difference between monkeypox and small pox )
പനി വന്ന് മൂന്നാം ദിവസത്തിന് മുൻപായി കൈകളിൽ, മുഖത്ത്, ജനനേന്ദ്രിയ ഭാഗത്ത് എന്നിവ കുരുക്കൾ ഉണ്ടാകുക, അതിൽ വെള്ളം നിറഞ്ഞ അവസ്ഥ. ഇതാണ് കുരങ്ങ് പനിയുടെ ലക്ഷണം. ചിക്കൻ പോക്സിന്റെ കുരുക്കൾ ആദ്യം നെഞ്ചിലാണ് വരിക. പതിയെയാണ് ചിക്കൻ പോക്സിന്റെ കുരുക്കൾ ഉണ്ടാവുന്നതെങ്കിൽ മൂന്നാം ദിവസം ദിവസം മുതൽ തന്നെ കുരുങ്ങ് പനി ബാധിച്ച വ്യക്തിക്ക് അൻപതോളം കുരുക്കൾ ഉണ്ടാകും. കഴുത്തിലോ, കക്ഷത്തിലോ മറ്റോ കഴല പോലെ കണ്ടെത്തുന്നതും കുരങ്ങ് പനിയുടെ ലക്ഷണമാണ്. തക്കാളി പനിയിൽ കൈകളിലും, കാലിനടിയിലും, വായുടെ അകത്തും കുരുക്കൾ ഉണ്ടാകും.
Read Also: എന്താണ് കുരങ്ങ് പനി ? ഈ രോഗലക്ഷണങ്ങൾ ശ്രദ്ധിക്കുക
കുരങ്ങ് പനിയെ എങ്ങനെ തടയാം ?
പോസിറ്റീവായ വ്യക്തിയുമായുള്ള അടുത്ത സമ്പർക്കം ഒഴിവാക്കണം. ഉമിനീർ, മൂത്രം, ചലം പോലുള്ള ശ്രവങ്ങൾ തൊടാതെ ശ്രദ്ധിക്കണം. ചത്ത മൃഗങ്ങളിൽ നിന്ന് അകലം പാലിക്കുകയും, നോൺ വെജ് ആഹാരം നന്നായി പാകം ചെയ്ത് കഴിക്കുകയും ചെയ്യണം.
Story Highlights: difference between monkeypox and small pox
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here