എസ്.ഐയെയും പൊലീസ് ഉദ്യോഗസ്ഥരെയും ആക്രമിച്ചയാൾ പിടിയിൽ

കൊല്ലം കൊ​റ്റംകുളങ്ങരയിൽ രാഷ്ട്രീയ പ്രവർത്തകർ തമ്മിലുണ്ടായ സംഘർഷത്തിൽ എസ്.ഐയെയും പൊലീസ് ഉദ്യോഗസ്ഥരെയും ആക്രമിച്ച സംഘത്തിലെ ഒരാളെ ചവറ പൊലീസ് അറസ്​റ്റ് ചെയ്തു. ചവറ പട്ടത്താനം കൊച്ചുവീട്ടിൽ മനോജ് (34) ആണ് പിടിയിലായത്. 21ന് വൈകിട്ടാണ് കൊ​റ്റംകുളങ്ങര കുഞ്ഞാലുംമൂട് ജംഗ്ഷനിലാണ് സംഘർഷം നടന്നത്. രാഷ്ട്രീയ അഭിപ്രായ വ്യത്യാസങ്ങളെ തുടർന്ന് രാഷ്ട്രീയ പ്രവർത്തകർ ചേരിതിരിഞ്ഞ് തല്ലുകൂടുകയായിരുന്നു.

Read Also: ബ്ലാക്ക്​ ഫംഗസിൻെറ വ്യാജ മരുന്നുകൾ നിർമിച്ച്​ വിൽപ്പന; ഡോക്​ടർമാരടക്കം ഏഴുപേർ അറസ്റ്റിൽ

സംഭവം അറിഞ്ഞ ഉടൻ സ്ഥലത്തെത്തിയ ചവറ സ്​റ്റേഷനിലെ എസ്‌.ഐ നൗഫലിനെയും സംഘത്തെയുമാണ് ചിലർ ആക്രമിച്ചത്. സംഘർഷാവസ്ഥ തടയാനുള്ള ശ്രമത്തിനിടെയാണ് പൊലീസുകാർക്ക് നേരെ ആക്രമണമുണ്ടായത്. ചവറ പൊലീസ് ഇൻസ്‌പെക്ടർ യു.പി. വിപിൻ കുമാറിന്റെ നേതൃത്വത്തിലാണ് പ്രതിയെ പിടികൂടിയത്.

Story Highlights: Chavara native arrested for attacking SI