നിത്യോപയോഗ സാധനങ്ങൾക്ക് ജിഎസ്ടി; കേന്ദ്രതീരുമാനം കേരളം നടപ്പാക്കില്ലെന്ന് മുഖ്യമന്ത്രി
ജിഎസ്ടി വര്ധിപ്പിച്ച തീരുമാനം കേരളത്തില് നടപ്പാക്കില്ലെന്ന് മുഖ്യമന്ത്രി പിണറായി വിജയൻ . ജിഎസ്ടി കൗണ്സില് യോഗങ്ങളിലും ജിഎസ്ടി നിരക്കുകള് സംബന്ധിച്ച കമ്മിറ്റികളിലും കേരളം ഈ നിലപാട് ഉയര്ത്തിപ്പിടിച്ചിട്ടുണ്ടെന്നും അദ്ദേഹം വ്യക്തമാക്കി. ചെറുകിട കച്ചവടക്കാരും കുടുംബശ്രീ അടക്കമുള്ള ചെറുകിട ഉല്പ്പാദകരും പായ്ക്ക് ചെയ്ത് വില്ക്കുന്ന അരിക്കും പയറുല്പ്പന്നങ്ങള്ക്കുമടക്കം ജിഎസ്ടി വര്ധിപ്പിച്ച തീരുമാനം കേരളത്തില് നടപ്പാക്കില്ലെന്ന് അദ്ദേഹം വ്യക്തമാക്കി.
കേരളത്തിന്റെ പശ്ചാത്തല സൗകര്യവികസന, സാമൂഹ്യക്ഷേമ നടപടികളെ തകര്ക്കാനുള്ള ശ്രമമാണ് വായ്പാ പരിധി വെട്ടിക്കുറയ്ക്കാനുള്ള കേന്ദ്ര നടപടികള്. അവശ്യസാധനങ്ങളുടെ വിലവര്ധനയ്ക്കു കാരണമാകുന്ന ജിഎസ്ടി നിരക്കുവര്ധന പിന്വലിക്കാന് ആവശ്യപ്പെട്ട് പ്രധാനമന്ത്രിക്ക് കഴിഞ്ഞ ദിവസം കത്തയച്ചിരുന്നുവെന്ന് അദ്ദേഹം പറഞ്ഞു .
Read Also:ദേശീയപാതാ വികസനം വൈകാനും പണം ചെലവാകാനും കാരണം യുഡിഎഫും ബിജെപിയും; മുഖ്യമന്ത്രി
സാധാരണക്കാരെ ബാധിക്കുന്ന എല്ലാ നികുതിവര്ധനയ്ക്കും സംസ്ഥാനം എതിരാണ്. നിത്യോപയോഗ സാധനങ്ങളുടെ നികുതി വര്ധിപ്പിക്കരുതെന്നും ആഡംബര സാധനങ്ങളുടെ നികുതിയാണ് വര്ധിപ്പിക്കേണ്ടതെന്നുമാണ് ഇക്കാര്യത്തില് കേരളത്തിന്റെ നിലപാടെന്നും മുഖ്യമന്ത്രി കൂട്ടിച്ചേർത്തു.
Story Highlights: Pinarayi Vijayan About GST On Daily Use Items
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here