മാധ്യമ മേഖല ഒരു കുടക്കീഴിലേക്ക്; ദക്ഷിണേന്ത്യന്‍ മീഡിയ സമ്മിറ്റ് 2022 ജൂലൈ 27ന്
ചെന്നൈ ആസ്ഥാനമായുള്ള മീഡിയ ഔട്ട്‌സോഴ്‌സിംഗ് കമ്പനി ഫോര്‍ത്ത് ഡൈമന്‍ഷന്‍ മീഡിയ സൊല്യൂഷന്‍സ് ദക്ഷിണേന്ത്യ മാധ്യമ ഉച്ചകോടിയുടെ മൂന്നാം പതിപ്പ് ജൂലൈ 27ന് ചെന്നൈയിലെ താജ് കോറോമാണ്ടലില്‍ നടക്കും. ജോയ് ആലുക്കാസ് ഇന്ത്യ ലിമിറ്റഡിന്റെ മാനേജിംഗ് ഡയറക്ടര്‍ ആലുക്കാസ് വര്‍ഗീസ് ജോയി പരിപാടിയുടെ മുഖ്യാതിഥിയാകും. വിവിധ വ്യവസായ പ്രമുഖരുമായി ബന്ധപ്പെടാനും സഹകരിക്കാനും വ്യവസായ പങ്കാളികള്‍ക്ക് സഹായകരമാകുന്ന തരത്തിലാണ് ദക്ഷിണേന്ത്യാ മാധ്യമ ഉച്ചകോടി.(South India Media Summit 2022)
സൗത്ത് ഇന്ത്യന്‍ മാധ്യമ, വിനോദ മേഖലയില്‍ അടുത്ത മൂന്ന് മുതല്‍ അഞ്ച്് വര്‍ഷത്തേക്ക് 15 ശതമാനം വാര്‍ഷിക വളര്‍ച്ചാ നിരക്കാണ് ഉച്ചകോടി ലക്ഷ്യം വയ്ക്കുന്നത്.
‘മാധ്യമ മേഖലയെ മുഴുവനും അതിലെ പങ്കാളിത്ത സ്ഥാപനങ്ങളെയും ഒരു കുടക്കീഴില്‍ കൊണ്ടുവരുന്ന ദക്ഷിണേന്ത്യ മീഡിയ സമ്മിറ്റ് 2022 ന്റെ മൂന്നാം പതിപ്പിന് തുടക്കമിടുന്നതില്‍ സന്തോഷമുണ്ട്. മാധ്യമ വ്യവസായത്തെ പുതിയ ഉയരങ്ങളിലേക്ക് എത്തിക്കാനുള്ള ഒരു സംയോജിത ശ്രമമാണിത്. ദക്ഷിണേന്ത്യന്‍ മാധ്യമ, വിനോദ മേഖലയ്ക്ക് നിലവില്‍ 40%ത്തോളമാണ് ഓഹരി. അടുത്ത 3 വര്‍ഷത്തിനുള്ളില്‍ മേഖലയെ 74,900 കോടിയില്‍ നിന്ന് 1,07,300 കോടിയിലേക്കെത്തിക്കുകയാണ് ലക്ഷ്യം’. ഫോര്‍ത്ത് ഡൈമന്‍ഷന്‍ മീഡിയ സൊല്യൂഷന്‍സ് പ്രൈവറ്റ് ലിമിറ്റഡ് സിഇഒ ശങ്കര്‍ പറഞ്ഞു.
അനില്‍ അയിരൂര്‍, (ഗ്രൂപ്പ് സിഒഒ ഇന്‍സൈറ്റ് മിഡിയ (ഫ്‌ളവേഴ്‌സ് ടിവി, 24), അങ്കിത് അഗര്‍വാള്‍ (പാര്‍ട്ണര്‍&ഡയറക്ടര്‍-മൈസൂര്‍ ഡീപ് പെര്‍ഫ്യൂമറി ഹൗസ്), വികെസി റസാഖ് (മാനേജിംഗ് ഡയറക്ടര്‍ വി കെ സി ഇന്‍ഡസ്ട്രീസ്), നിശാന്ത് ചന്ദ്രന്‍ (സ്ഥാപകന്‍, സിഇഒ ജിഎഫ്എം റീട്ടെയില്‍), അമിന്‍ ലഖാനി (സിഇഒ മൈന്‍ഡ്‌ഷെയര്‍ സൗത്ത് ഏഷ്യ), ഡോ. സഞ്ജയ് ജോര്‍ജ് (സിഇഒ മഞ്ഞിലാസ് ഫുഡ് ടെക്), ഡോ. കൈലാഷ് കട്കര്‍ (എംഡി & സിഇഒ ക്വിക്ക്ഹീല്‍ ടെക്‌നോളജീസ്), കാര്‍ത്തിക് ശര്‍മ (സിഇഒ ഒമ്‌നികോം മിഡിയ ഗ്രൂപ്പ്), മഹേഷ് എസ്. ആനന്ദ് (പ്രസിഡന്റ് നിപ്പോണ്‍ പെയിന്റ് ഇന്ത്യ), ശ്രീറാം എസ് (വൈസ് പ്രസിഡന്റ് റീട്ടെയില്‍ ഇന്ത്യന്‍ ടെറൈന്‍), മിസ് മോനാസ് ടോഡിവാല (സിഇഒ പിഎച്ച്ഡി ഇന്ത്യ), മോഹിത് ജോഷി (സിഇഒ ഹവാസ് മീഡിയ ഗ്രൂപ്പ് ഇന്ത്യ), ശരത് മോഹന്‍ (ബിസിനസ് ഹെഡ്‌ഫെറോണ്‍ സ്റ്റീല്‍സ്), മാധവന്‍ പി (എക്‌സിക്യൂട്ടീവ് വൈസ് പ്രസിഡന്റ് ടിവിഎസ് യൂറോഗ്രിപ്പ്), ജോണ്‍സണ്‍ ജെ (എംഡി സത്യ ഏജന്‍സികള്‍), ശ്രീപ്രിയ സ്വാമിനാഥന്‍ (സീനിയര്‍ ഡയറക്ടര്‍ മൈന്‍ഡ്‌ഷെയര്‍), ശ്രീകാന്ത് (സിഎംഒ കാളീശ്വരി റിഫൈനറി), മുരുഗന്‍ എന്‍ (സി.ഇ.ഒ സതേണ്‍ ഹെല്‍ത്ത് ഫുഡ്‌സ്), രാംസായി പഞ്ചാപകേശന്‍ (സീനിയര്‍ വി.പി. & നാഷണല്‍ ഹെഡ് ഇന്റഗ്രേറ്റഡ് മീഡിയ വാങ്ങല്‍ സെനിത്ത് മീഡിയ ഇന്ത്യ), രഞ്ജിത്ത് കുമാര്‍ എം (മാര്‍ക്കറ്റിംഗ് ഹെഡ് എയര്‍ ഏഷ്യ), വി. നാരായണന്‍ (സി.ഇ.ഒ അലയന്‍സ് അഡ്വര്‍ടൈസിംഗ്), ദിവാകര്‍ എസ് (ബിസിനസ് ഹെഡ് ന്യൂസ്ഫസ്റ്റ്) എന്നിവര്‍ പരിപടിയില്‍ പങ്കെടുക്കും.
Read Also: നിങ്ങളുടെ സിബില്‍ സ്‌കോര്‍ എങ്ങനെ ഓണ്‍ലൈനായി പരിശോധിക്കാം?
കര്‍ണാടക, കേരളം, തമിഴ്‌നാട്, തെലങ്കാന, ആന്ധ്രാപ്രദേശ് എന്നീ ദക്ഷിണേന്ത്യന്‍ സംസ്ഥാനങ്ങളാണ് ഇന്ത്യയുടെ മൊത്തത്തിലുള്ള മാധ്യമ, വിനോദ മേഖലയിലെ വരുമാനത്തിന്റെ 35 ശതമാനവും സംഭാവന ചെയ്യുന്നത്. വിദ്യാര്‍ത്ഥികള്‍ക്കും ഈ പരിപാടി പ്രചോദനമായി മാറും. മാധ്യമ ഉച്ചകോടിയുടെ ഒന്നും രണ്ടും എഡിഷനുകള്‍ 2018, 2019 വര്‍ഷങ്ങളില്‍ നടന്നിരുന്നു. കൊവിഡ് കാരണം കഴിഞ്ഞ രണ്ട് വര്‍ഷത്തിനിടയില്‍ മൂന്നാം പതിപ്പ് മാറ്റിവക്കുകയായിരുന്നു.
Story Highlights: South India Media Summit 2022
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
