Advertisement

ഡൽഹി ഉപമുഖ്യമന്ത്രിയുടെ വീട്ടിൽ സിബിഐ റെയ്ഡ്

August 19, 2022
Google News 2 minutes Read

CBI Raid on Manish Sisodia: ഡൽഹി ഉപമുഖ്യമന്ത്രി മനീഷ് സിസോദിയയുടെ വീട്ടിൽ സിബിഐ റെയ്ഡ്. ഡൽഹി എക്സൈസ് നയത്തിലെ ക്രമക്കേടുമായി ബന്ധപ്പെട്ടാണ് റെയ്ഡ് നടത്തുന്നത്. എക്സൈസ് കമ്മീഷണർ അരവ ഗോപി കൃഷ്ണയുടെ വീട് ഉൾപ്പെടെ ഡൽഹി-എൻസിആറിലെ 21 സ്ഥലങ്ങളിൽ സിബിഐ പരിശോധന നടത്തുകയാണ്.

“സിബിഐ അന്വേഷണത്തെ സ്വാഗതം ചെയ്യുന്നു. സത്യാവസ്ഥ പുറത്തുവരാൻ അന്വേഷണത്തിൽ പൂർണമായി സഹകരിക്കും. സത്യസന്ധമായി ജോലി ചെയ്യുന്നവരെ പീഡിപ്പിക്കുന്ന നിലപാട് ഖേദകരമാണ്. ഇതുകൊണ്ടാണ് നമ്മുടെ രാജ്യം ഇതുവരെ നമ്പർ-1 ആകാത്തത്” – പരിശോധന വിവരം പങ്കുവച്ച് മനീഷ് ട്വീറ്റ് ചെയ്തു. ഇന്ന് രാവിലെയാണ് റെയ്ഡ് ആരംഭിച്ചത്.

“വിദ്യാഭ്യാസം-ആരോഗ്യം തുടങ്ങിയ മേഖലയിൽ സർക്കാർ നടത്തുന്ന അത്ഭുതകരമായ പ്രവർത്തനങ്ങളിൽ ചിലർ അസ്വസ്ഥരാണ്. അതുകൊണ്ടാണ് ഡൽഹിയിലെ ആരോഗ്യമന്ത്രിയേയും വിദ്യാഭ്യാസ മന്ത്രിയേയും അറസ്റ്റ് ചെയ്തിരിക്കുന്നത്. രണ്ടു പേർക്കുമെതിരെ തെറ്റായ ആരോപണങ്ങളുണ്ട്. കോടതിയിൽ സത്യം പുറത്തുവരും. ഇതുവരെ എനിക്കെതിരെ നിരവധി കേസുകൾ എടുത്തിട്ടുണ്ടെങ്കിലും ഒന്നും തെളിഞ്ഞിട്ടില്ല” – മറ്റൊരു ട്വീറ്റിൽ മനീഷ് സിസോദിയ കുറിച്ചു.

Story Highlights: CBI Raids Delhi Deputy Chief Minister Manish Sisodia

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here