സിപിഐ എറണാകുളം ജില്ലാ കൗൺസിലിലേക്ക് മത്സരം; ഔദ്യോഗിക പാനലിനെതിരെ മത്സരിക്കുന്നത് 32 പേർ

സിപിഐ എറണാകുളം ജില്ലാ കൗൺസിലിലേക്ക് മത്സരം. ഔദ്യോഗിക പക്ഷം 55 പേരുടെ പാനൽ അവതരിപ്പിച്ചു. ഈ പാനലിനെതിരെ 32 പേർ മത്സരിക്കുകയാണ്. ജില്ലാ സെക്രട്ടറി സ്ഥാനത്തേക്കും മത്സരം നടക്കുന്നുണ്ട്. സമവായ നീക്കം പരാജയപ്പെട്ടതോടെയാണ് ജില്ലാ കൗൺസിലിലേക്ക് മത്സരം നടക്കുന്നത്.

നിലവിലെ ജില്ലാ സെക്രട്ടറിയായ പി രാജു ഉൾപ്പെടുന്ന പക്ഷം 55 പേരുടെ പാനലാണ് അവതരിപ്പിച്ചത്. ഇതിനെതിരെ കാനം രാജേന്ദ്രനെ അനുകൂലിക്കുന്ന എതിർ പക്ഷം 32 പേരുടെ പാനലും അവതരിപ്പിച്ചു. വോട്ടെടുപ്പ് പുരോഗമിക്കുകയാണ്. അല്പ സമയത്തിനുള്ളിൽ തന്നെ തീരുമാനമുണ്ടാവും.

ജില്ലാ സെക്രട്ടറി സ്ഥാനത്തേക്ക് ഔദ്യോഗിക പക്ഷത്തിൽ നിന്ന് കെഎൻ സുഗതനും കാനം വിഭാഗത്തിലെ കെകെ അഷ്റഫും ദിനകനുമാണ് മത്സര രംഗത്തുള്ളത്.

Story Highlights: cpi ernakulam district council election