നേപ്പാൾ സ്വദേശിനിയെ ലൈംഗികമായി പീഡിപ്പിക്കാൻ ശ്രമിച്ച കടയുടമ അറസ്റ്റിൽ

നേപ്പാൾ സ്വദേശിനിയായ വീട്ടമ്മയെ പീഡിപ്പിക്കാൻ ശ്രമിച്ച കട ഉടമ പിടിയിൽ. കൊല്ലം ജില്ലയിലെ ഓയൂർ വെളിയത്താണ് സംഭവം. വെളിയം പടിഞ്ഞാറ്റിൻകരയിൽ കട നടത്തിവരുന്ന റോഡുവിള പുത്തൻ വീട്ടിൽ അനിരുദ്ധനെയാണ് (58) പൂയപ്പള്ളി പൊലീസ് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. ( Attempt to rape Nepali woman; accused arrested ).

Read Also: തൃശൂരിൽ 5 വയസുകാരിയെ പീഡിപ്പിച്ച 70 കാരന് 14 വർഷം കഠിന തടവ്

അനിരുദ്ധന്റെ കടയുടെ സമീപത്തായുള്ള സ്വകാര്യവ്യക്തിയുടെ കൃഷിഫാമിലാണ് നേപ്പാളി സ്ത്രീയും ഭർത്താവും ജോലി ചെയ്യുന്നത്. അനിരുദ്ധന്റെ കടയിൽ നിന്നാണ് ഇവർ സാധനങ്ങൾ വാങ്ങിയിരുന്നത്. സ്ഥിരമായി കടയിൽ സാധനം വാങ്ങാനെത്തുന്ന ഈ സ്ത്രീയോട് അനിരുദ്ധൻ അപമര്യാദയായി പെരുമാറിയെന്നും ലൈംഗികമായി ഉപദ്രവിക്കാൻ ശ്രമിച്ചെന്നും ഇവർ നൽകിയ പരാതിയിൽ പറയുന്നു.

Story Highlights: Attempt to rape Nepali woman; accused arrested