കെ.എം.അഭിജിത്ത് കെ.എസ്.യു അധ്യക്ഷ പദവിയൊഴിയുന്നു; നേതൃത്വത്തിന് ഇന്ന് കത്ത് നല്‍കും

കെഎസ്യു സംസ്ഥാന അധ്യക്ഷന്‍ കെ.എം.അഭിജിത്ത് പദവിയൊഴിയുന്നു. നേതൃത്വത്തിന് ഇന്ന് തന്നെ കത്തു നല്‍കും. കലാശാല പ്രത്യേക പതിപ്പ് പ്രകാശനച്ചടങ്ങിനിടെ എ.കെ.ആന്റണിയുടെ സാന്നിധ്യത്തില്‍ അഭിജിത്ത് തീരുമാനം പ്രഖ്യാപിക്കും.

2017ലാണ് അഭിജിത്തിന്റെ നേതൃത്വത്തിലുള്ള കമ്മിറ്റി ചുമതലയേറ്റത്. രണ്ടു വര്‍ഷമായിരുന്നു കാലാവധി. അഞ്ചു വര്‍ഷം കഴിഞ്ഞിട്ടും പുന:സംഘടന നടക്കാത്തതില്‍ കെ എസ് യുവില്‍ പ്രതിഷേധം ശക്തമായിരുന്നു.

Read Also: ദേശാഭിമാനി ഓഫിസ് ആക്രമണം: കേസെടുത്ത് പേടിപ്പിക്കേണ്ടെന്ന് കെ.എം.അഭിജിത്ത്

എ ഗ്രൂപ്പിലെ അമല്‍ ജോയി, വി.ഡി.സതീശന്റെ അനുയായി അലോഷി സേവ്യര്‍ എന്നിവരുടെ പേരുകളാണ് പുതിയ അധ്യക്ഷ പദവിയിലേക്ക് സജീവ പരിഗണനയിലുള്ളത്. കാലങ്ങളായി കെഎസ്‌യു അധ്യക്ഷസ്ഥാനം വഹിച്ചു വരുന്ന എ ഗ്രൂപ്പിന്റെ നിലപാടും നിര്‍ണായകമാകും.

Story Highlights: KM Abhijith resigns from the position of KSU state president