കുവൈറ്റിലെ സ്കൂളുകളിൽ വിരലടയാള ഹാജർ സംവിധാനം വരുന്നു

കുവൈറ്റിലെ സ്കൂളുകളിൽ വിരലടയാള ഹാജർ സംവിധാനം നടപ്പാക്കാൻ വിദ്യാഭ്യാസ മന്ത്രാലയം തീരുമാനിച്ചതായി റിപ്പോർട്ട് . രണ്ടാം സെമസ്റ്റർ മുതൽ പരീക്ഷണാടിസ്ഥാനത്തിൽ ഇത് നടപ്പാക്കും. അടുത്ത അധ്യയന വർഷത്തിന്റെ തുടക്കത്തിൽ എല്ലാ സ്‌കൂളുകളിലും ഇത് നടപ്പാക്കാനാണ് ഉദ്ദേശിക്കുന്നതെന്ന് ബന്ധപ്പെട്ട സ്രോതസ്സുകളെ ഉദ്ധരിച്ച് പ്രാദേശിക പത്രം റിപ്പോർട്ട് ചെയ്തു. ( Fingerprint attendance system schools in Kuwait ).

1,000 സ്കൂളുകൾക്കായി 3,000 അറ്റൻഡൻസ് രേഖപ്പെടുത്തുന്ന ഉപകരണങ്ങൾ സ്ഥാപിക്കുന്നതിന് 3 ലക്ഷത്തി 50,000 ദിനാർ ആണ് വകയിരുത്തുന്നത്. ഇവ വാങ്ങുന്നതിനും ഇൻസ്റ്റാളേഷൻ, ഓപ്പറേഷൻ, മെയിന്റനൻസ് എന്നിവയ്ക്കുമുള്ള ടെൻഡർ നൽകുന്നതിനുള്ള നടപടിക്രമങ്ങൾ മന്ത്രാലയം പൂർത്തിയാക്കിയതായും അധികൃതർ വ്യക്തമാക്കി.

Story Highlights : Fingerprint attendance system schools in Kuwait