ഗർഭിണിയായ രണ്ടാനമ്മ 9 വയസുകാരിയെ പെട്ടിയിൽ പൂട്ടിയിട്ടു; വധശ്രമത്തിന് കേസ്

ഒമ്പത് വയസ്സുള്ള പെൺകുട്ടിയെ പെട്ടിയിലാക്കി പൂട്ടിയിട്ടതിന് രണ്ടാനമ്മക്കെതിരെ കേസ്. ഉത്തർപ്രദേശിലെ മുസാഫർനഗറിലാണ് സംഭവം. ഇന്ത്യൻ ശിക്ഷാ നിയമത്തിലെ സെക്ഷൻ 307 (കൊലപാതകശ്രമം) പ്രകാരമാണ് പ്രതിയായ ശിൽപിക്കെതിരെ കേസെടുത്തിരിക്കുന്നത്. പ്രതി ഗർഭിണിയാണെന്നും ഇതുവരെ അറസ്റ്റ് ചെയ്തിട്ടില്ലെന്നുമാണ് പൊലീസ് പറയുന്നത്.

തിങ്കളാഴ്ച വൈകുന്നേരമാണ് രാധികയെ കാണാതായത്. പൊലീസ് വീട്ടിലെത്തി നടത്തിയ പരിശോധനയിൽ കുട്ടിയെ അബോധാവസ്ഥയിൽ പെട്ടിക്കുള്ളിൽ പൂട്ടിയിട്ടിരിക്കുന്നതായി കണ്ടെത്തി. രണ്ടാനമ്മയാണ് തന്നെ പെട്ടിക്കുള്ളിൽ പൂട്ടിയിട്ടെന്ന് പെൺകുട്ടി പിന്നീട് പൊലീസിനോട് പറഞ്ഞതായി ഡെപ്യൂട്ടി പൊലീസ് സൂപ്രണ്ട് പറഞ്ഞു.

പിതാവ് സോനു ശർമ്മ തന്റെ ആദ്യ ഭാര്യയിൽ നിന്ന് വിവാഹമോചനം നേടിയ ശേഷം ശിൽപിയെ വിവാഹം കഴിച്ചു. ഇവർക്കൊപ്പമാണ് രാധിക താമസിച്ചിരുന്നതെന്നും പൊലീസ് കൂട്ടിച്ചേർത്തു.

Story Highlights: Pregnant UP Woman Locks Stepdaughter In Box