ക്രൈസ്റ്റ് നഗർ സ്കൂളിലെ ക്രിസ്തുമസ് വാർഷികാഘോഷം

തിരുവനന്തപുരം ക്രൈസ്റ്റ് നഗർ സ്കൂളിലെ ക്രിസ്തുമസ് വാർഷികാഘോഷത്തിൽ വിദ്യാഭ്യാസ മന്ത്രി വി. ശിവൻകുട്ടി മുഖ്യപ്രഭാഷണം നടത്തി. “ക്രിസ് എസ്ട്രല്ല“ എന്ന പേരിൽ സംഘടിപ്പിച്ച പരിപാടി ഫാ. വിൻസെന്റ് മാർ പൗലോസ് ഉ​ദ്ഘാടനം ചെയ്തു. സ്കൂൾ മാനേജരും പ്രിൻസിപ്പലുമായ ഫാ. പോൾ മങ്ങാട് സി.എം.ഐ വാർഷിക റിപ്പോർട്ട് അവതരിപ്പിച്ചു.

ഹിമാചൽ ഫോക് സോങ് ഫെയിം ദേവിക എസ്.എസ്. ആശംസകൾ അറിയിച്ചു. ഫ്ളവേഴ്സ് ടോപ്സിങ്ങർ ഫസ്റ്റ് റണ്ണറപ്പായ ക്രൈസ്റ്റ് നഗർ സ്കൂളിലെ 10-ാം ക്ലാസ് വിദ്യാർത്ഥിനി ആൻബൻസൻ ഗാനാലാപനം നടത്തി. ബർസാറും വൈസ് പ്രിൻസിപ്പാലുമായ ഫാ. ടിന്റോ പുളിഞ്ചുവള്ളിൽ സി.എം.ഐ, സ്കൂൾ ഹെഡ്മാസ്റ്റർ എ. സുരേഷ്, അക്കാഡമിക് കോ- ഓർഡിനേറ്റർ ആനി ഇഗ്നേഷ്യസ് എന്നിവർ പങ്കെടുത്തു.

2022-23 അദ്ധ്യയന വർഷത്തെ പാഠ്യ പാഠ്യേതര വിഭാഗങ്ങളിൽ മികവ് തെളിയിച്ചവർക്കുള്ള സമ്മാനവിതരണം വിശിഷ്ടാതിഥികൾ നിർവ്വഹിച്ചു. കൺവീനർമാരായ താരാ ഗോപിനാഥ്, നിധിദേവ്, ആര്യാ കൃഷ്ണ എന്നിവർ പരിപാടിക്ക് നേതൃത്വം നൽകി.

Story Highlights: christ nagar school Christmas Celebration