കെ.എസ്.ആർ.ടി​.സി ബസി​ടി​ച്ച് പത്താം ക്ലാസ് വിദ്യാർത്ഥിനിക്ക് ദാരുണാന്ത്യം

ആലപ്പുഴ – തണ്ണീർമുക്കം റോഡിൽ കോമളപുരം ജംഗ്ഷന് സമീപം കെ.എസ്.ആർ.ടി​.സി​ ബസ് ഇടി​ച്ച് പത്താം ക്ളാസ് വി​ദ്യാർത്ഥി​നി​ മരി​ച്ചു. ട്യൂഷനു പോവുകയായി​രുന്ന വി​ദ്യാർത്ഥി​നിയാണ് അപകടത്തിൽ മരിച്ചത്. കലവൂർ ഗവ. ഹയർ സെക്കൻഡറി സ്‌കൂൾ വിദ്യാർഥിനി മണ്ണഞ്ചേരി 21-ാം വാർഡ് പനയ്ക്കൽ പള്ളിക്കു സമീപം ഇടത്തിണ്ണയിൽ സഫ്ന സിയാദാണ് (15) മരിച്ചത്.

Read Also: 14 വയസുകാരിയെ പീഡിപ്പിച്ച കെ.എസ്.ആർ.ടി.സി വെഹിക്കിൾ സൂപ്പർവൈസർ അറസ്റ്റിൽ

ഇന്നലെ ഉച്ചയ്ക്ക് 2.15 നായി​രുന്നു അപകടം. കോമളപുരത്തെ സ്വതന്ത്ര കോളേജിലേക്കു പോകാൻ സ്വകാര്യ ബസിറങ്ങി റോഡ് മുറിച്ചു കടക്കുന്നതിനിടെ, ഈ ബസിനെ മറികടന്നു വന്ന കെ.എസ്.ആർ.ടി.സി ഓർഡി​നറി​ ബസ് വി​ദ്യാർത്ഥി​നിയെ ഇടിക്കുകയായിരുന്നു.

സഫ്ന സംഭവ സ്ഥലത്ത് വച്ചുതന്നെ മരിച്ചു. ആലപ്പുഴ നോർത്ത് പൊലീസെത്തി മൃതദേഹം ആലപ്പുഴ മെഡി. ആശുപത്രി​ മോർച്ചറിയിലേക്കു മാറ്റി. കബറടക്കം ഇന്ന് ഉച്ചയ്ക്ക് മണ്ണഞ്ചേരി പടിഞ്ഞാറെ ജുമാമസ്ജിദ് കബർസ്ഥാനിൽ നടക്കും.

Story Highlights: KSRTC bus accident 10th class student died