Advertisement

ബലാത്സംഗക്കേസിൽ ഉത്തർപ്രദേശിലെ ബിജെപി എംഎൽഎയ്‌ക്കെതിരെ അറസ്റ്റ് വാറണ്ട്

January 20, 2023
Google News 2 minutes Read
Arrest Warrant Against Uttar Pradesh BJP MLA In 8-Year-Old Rape Case

എട്ട് വർഷം മുമ്പ് പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്ത കേസിൽ ഉത്തർപ്രദേശിലെ ബിജെപി എംഎൽഎയ്‌ക്കെതിരെ അറസ്റ്റ് വാറണ്ട്. ദുദ്ദിയിലെ ബിജെപി എംഎൽഎ രാംദുലാർ ഗൗറിനെതിരെയാണ് വാറണ്ട് പുറപ്പെടുവിച്ചത്. കോടതിയിൽ ദിവസങ്ങളായി ഹാജരാകാത്തതിനെ തുടർന്ന് വ്യാഴാഴ്ച വാദം കേൾക്കുന്നതിനിടെയാണ് അഡീഷണൽ സെഷൻസ് ജഡ്ജി II അറസ്റ്റ് ചെയ്യാൻ ഉത്തരവിട്ടത്.

ദുദ്ദി എംഎൽഎ രാംദുലാർ ഗൗറിനെ അറസ്റ്റ് ചെയ്ത് ജനുവരി 23ന് കോടതിയിൽ ഹാജരാക്കാൻ സോൻഭദ്ര എസ്പിയോട് ഉത്തരവിട്ടിട്ടുണ്ട്. 2014 നവംബർ 4 ന് മയോർപൂർ പ്രദേശത്തെ ഒരാൾ അന്നത്തെ ഗ്രാമത്തലവന്റെ ഭർത്താവായ രാംദുലാർ തന്റെ സഹോദരിയെ ഭീഷണിപ്പെടുത്തി പലതവണ ബലാത്സംഗം ചെയ്തതായി പൊലീസിൽ പരാതിപ്പെട്ടതായി അസിസ്റ്റന്റ് ജില്ലാ സർക്കാർ അഭിഭാഷകൻ സത്യപ്രകാശ് ത്രിപാഠി പറഞ്ഞു.

രാംദുലറിന് കോടതി പലതവണ സമൻസ് അയച്ചെങ്കിലും ആരോഗ്യ കാരണങ്ങളാൽ അദ്ദേഹം ഹാജരായില്ലെന്നും ത്രിപാഠി പറഞ്ഞു. വിശദമായ അന്വേഷണത്തിന് ശേഷമാണ് പൊലീസ് കുറ്റപത്രം സമർപ്പിച്ചത്. ദുദ്ദി എം.എൽ.എ രാംദുലറിനെതിരെ അറസ്റ്റ് വാറണ്ട് പുറപ്പെടുവിക്കുന്നതിനിടെ കടുത്ത നിലപാട് സ്വീകരിക്കുന്നതിനൊപ്പം ജനുവരി 23 ന് അദ്ദേഹത്തെ അറസ്റ്റ് ചെയ്ത് കോടതിയിൽ ഹാജരാക്കാൻ സോൻഭദ്ര എസ്.പിയോട് ഉത്തരവിട്ടിട്ടുണ്ട്.

Story Highlights: Arrest Warrant Against Uttar Pradesh BJP MLA In 8-Year-Old Rape Case

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here