ആനക്കയത്തെ കാട്ടാന തുമ്പിക്കൈ അറ്റ നിലയില്‍

തൃശൂര്‍ അതിരപ്പിള്ളിയില്‍ വനംവകുപ്പിന് കണ്ടെത്താന്‍ കഴിയാതിരുന്ന കാട്ടാനയുടെ പുതിയ ചിത്രം പുറത്തുവന്നു. ആനയുടെ തുമ്പിക്കൈ മുക്കാല്‍ ഭാഗവും മുറിഞ്ഞ നിലയിലാണ്. ആനക്കയം പുല്ലുമേട്ടിലാണ് ആനയെ കണ്ടതെന്ന് ഫോട്ടോഗ്രാഫര്‍ ഷാനു വി.എസ് പറഞ്ഞു. തുമ്പിക്കൈയില്‍ കുരുക്കുള്ള ആനയുടെ ചിത്രം നേരത്തെ പുറത്തുവന്നിരുന്നു.

ജനുവരി മൂന്നാം തീയതിയാണ് ഈ ആനയുടെ വാര്‍ത്ത ചിത്രങ്ങള്‍ സഹിതം പുറത്തുവന്നത്. ഇതിന്റെ അടിസ്ഥാനത്തില്‍ പ്രത്യേക വാച്ചര്‍മാരെ അടക്കം നിയോഗിച്ച് വനംവകുപ്പ് അന്വേഷണം തുടങ്ങുകയും ചെയ്തിരുന്നു. എന്നാല്‍ ആനയെ വനംവകുപ്പിന് കണ്ടെത്താന്‍ കഴിഞ്ഞിരുന്നില്ല. മലക്കപ്പാറയില്‍ നിന്ന് അതിരപ്പിള്ളിയിലേക്ക് വരുന്ന വഴിയാണ് വൈപ്പിന്‍ സ്വദേശിയായ ഫോട്ടോഗ്രാഫര്‍ ഷാനു വി എസ് ആനയുടെ ചിത്രം പകര്‍ത്തിയത്.

Story Highlights: wild elephant found in anakkayam with trunk cut