താരത്തോട് ലൈംഗിക താത്പര്യത്തോടെ പെരുമാറി; ഇന്ത്യ അണ്ടർ 17 വനിതാ ടീം മുൻ സഹപരിശീലകനെതിരെ അറസ്റ്റ് വാറൻ്റ്

ഇന്ത്യയുടെ അണ്ടർ 17 വനിതാ ടീം മുൻ സഹപരിശീലകൻ അലക്സ് മാരിയോ ആംബ്രോസിനെതിരെ അറസ്റ്റ് വാറൻ്റ് പുറപ്പെടുവിച്ച് ഡൽഹി ഹൈക്കോടതി. പോക്സോ വകുപ്പ് പ്രകാരം ആംബ്രോസിനെതിരെ ഡൽഹി പൊലീസ് കേസെടുത്തിരുന്നു. ഇതിനു പിന്നാലെയാണ് ഇയാൾക്കെതിരെ കോടതി അറസ്റ്റ് വാറൻ്റ് പുറപ്പെടുവിച്ചിരിക്കുന്നത്. നോർവേ സ്വദേശിയായ ആംബ്രോസിനെ ഇന്ത്യയിലേക്ക് തിരികെവിളിച്ചിട്ടുണ്ട്.

ഇന്ത്യൻ ടീം യൂറോപ്പിൽ പരിശീലിക്കവെ ആംബ്രോസ് ഒരു താരത്തോട് ലൈംഗിക താത്പര്യത്തോടെ പെരുമാറിയെന്നാണ് കേസ്. കഴിഞ്ഞ ജൂലായിലായിരുന്നു സംഭവം. കഴിഞ്ഞ ഒക്ടോബർ 27ന് കോടതി ഇയാൾക്കെതിരെ സമൻസ് പുറപ്പെടുവിച്ചു.

Story Highlights: sexual misconduct football coach arrest warrant