തൊട്ടതെല്ലാം പൊന്നാക്കി തമിഴ്‌നാട് മാജിക്ക്; 1.50 ലക്ഷം തൊഴിൽ, 50,000 കോടിയുടെ നിക്ഷേപം, ഇവി നയം 2023 പുറത്തിറക്കി

തമിഴ്‌നാട് സർക്കാർ ഇലക്‌ട്രിക് വെഹിക്കിൾ (ഇവി) നയം 2023 പുറത്തിറക്കി. സംസ്ഥാന മുഖ്യമന്ത്രി എം കെ സ്റ്റാലിൻ കഴിഞ്ഞ ദിവസം പുതിയ നയം ഔദ്യോഗികമായി പുറത്തിറക്കി. സംസ്ഥാനത്തെ ഇലക്ട്രിക് വാഹന വ്യവസായത്തെ ഉത്തേജിപ്പിക്കാനും തമിഴ്‌നാട് ഇവി പോളിസി 2023 ലക്ഷ്യമിടുന്നു.(ev policy of tamil nadu aims to attract 50 000 crore investments)

50,000 കോടി രൂപയുടെ നിക്ഷേപവും സംസ്ഥാനത്ത് 1.50 ലക്ഷം തൊഴിലവസരങ്ങളും സൃഷ്‍ടിക്കാൻ ലക്ഷ്യമിട്ടുള്ളതാണ് പുതിയ നയം എന്നാണ് ടൈംസ് ഓഫ് ഇന്ത്യ റിപ്പോർട്ട് ചെയ്യുന്നത്. സംസ്ഥാനത്തെ അവസാന മൈൽ മൊബിലിറ്റിയിൽ ഇലക്ട്രിക് വാഹനങ്ങൾ നിർണായക പങ്ക് വഹിക്കണം എന്ന തമിഴ്‌നാട് സർക്കാരിന്റെ ലക്ഷ്യത്തിന്റെ പശ്ചാത്തലത്തിലാണ് ഈ നയം.

Read Also: കൃത്രിമം നടന്നെന്ന് ആരോപണം; പെരിന്തൽമണ്ണ തെരഞ്ഞെടുപ്പിലെ ഹൈക്കോടതി കസ്റ്റഡിയിലുള്ള വോട്ട് പെട്ടികൾ ഇന്ന് പരിശോധിക്കും

സ്വകാര്യ കാറുകൾ, ഇരുചക്രവാഹനങ്ങൾ, മൂന്ന് സീറ്റുള്ള ഓട്ടോറിക്ഷകൾ, ഗതാഗത വാഹനങ്ങൾ, ലഘു ചരക്ക് വാഹനങ്ങൾ എന്നിവ 2025 ഡിസംബർ വരെ സാധുതയുള്ള പുതിയ നയത്തിന്റെ പരിധിയിൽ വരും.100 ശതമാനം റോഡ് നികുതി ഇളവുകളോടെ സംസ്ഥാനത്ത് ഇലക്ട്രിക് വാഹനങ്ങൾ സ്വീകരിക്കുന്നത് പ്രോത്സാഹിപ്പിക്കും.

ഗതാഗത മേഖലയിലെ വൈദ്യുതീകരണം വർധിപ്പിക്കുക എന്ന ലക്ഷ്യത്തെ പിന്തുണയ്ക്കുന്നതിനായി, ഘടക നിർമ്മാതാക്കൾ, ഓട്ടോമോട്ടീവ് ആൻസിലറികൾ, ഉയർന്ന വൈദഗ്ധ്യമുള്ള തൊഴിലാളികൾ എന്നിവരടങ്ങുന്ന ഊർജ്ജസ്വലമായ ഓട്ടോമോട്ടീവ് ഇക്കോസിസ്റ്റം പ്രയോജനപ്പെടുത്തി സംസ്ഥാനത്ത് പ്രവർത്തിക്കുന്ന വാഹന ഫ്ളീറ്റുകളെ വൈദ്യുതീകരിക്കുകയാണ് തമിഴ്‍നാട് ലക്ഷ്യമിടുന്നതെന്ന് നയരേഖ പറയുന്നു.

Story Highlights: ev policy of tamil nadu aims to attract 50 000 crore investments