വിവാഹാഭ്യർത്ഥന നിരസിച്ചു; 16 കാരിയെ മുടിക്ക് കുത്തിപ്പിടിച്ച് റോഡിലൂടെ വലിച്ചിഴച്ച് 47 കാരൻ

വിവാഹാഭ്യർത്ഥന നിരസിച്ചതിന് പെൺകുട്ടിയെ മുടിക്ക് കുത്തിപ്പിടിച്ച് റോഡിലൂടെ വലിച്ചിഴച്ച് 47 കാരൻ. ചത്തീസ്ഗറിലെ റായ്പൂരിലാണ് സംഭവം. ( 16 year old Dragged By Hair For Declining Marriage Proposal )

ശനിയാഴ്ച വൈകീട്ടോടെയാണ് സംഭവം നടക്കുന്നത്. വിവാഹാഭ്യർത്ഥന നിരസിച്ചതിന് 16 വയസുള്ള പെൺകുട്ടിയെ മൂർച്ചയേറിയ ആയുധം കൊണ്ട് കുത്തി പരുക്കേൽപ്പിച്ച് ശേഷം മുടിക്ക് കുത്തിപ്പിടിച്ച് റോഡിലൂടെ വലിച്ചിഴയ്ക്കുകയായിരുന്നു ഓംകാർ തിവാരി എന്ന 47 കാരൻ. അക്രമത്തിന്റെ വിഡിയോ സമൂഹമാധ്യമങ്ങളിലൂടെ പ്രചരിച്ചതോടെയാണ് സംഭവം പൊലീസിന്റെ ശ്രദ്ധയിൽപ്പെടുന്നത്. തുടർന്ന് ഗുധിയാരി പൊലീസ് കേസ് രജിസ്റ്റർ ചെയ്തു.

പെൺകുട്ടിയുടെ ആരോഗ്യനില അതീവ ഗുരുതരമായി തുടരുകയാണെന്ന് പൊലീസ് അറിയിച്ചു. സംഭവത്തിൽ അന്വേഷണം പുരോഗമിക്കുകയാണ്.

Story Highlights: 16 year old Dragged By Hair For Declining Marriage Proposal