ആലപ്പുഴ ബീച്ചിൽ ഫോട്ടോ എടുക്കുന്നതിനിടെ അമ്മയും ആറുവയസുള്ള കുട്ടിയും തിരയിൽപ്പെട്ടു; 20 മീറ്ററോളം ദൂരത്തേക്ക് ഒഴുകി​പ്പോയ ഇരുവരെയും രക്ഷപ്പെടുത്തിയത് ലൈഫ്ഗാർഡ്

കടൽത്തീരത്ത് ഫോട്ടോ എടുക്കുന്നതിനിടെ തിരയിൽപ്പെട്ട അസാം സ്വദേശികളായ അമ്മയേയും ആറുവയസുള്ള കുട്ടി​യെയും ലൈഫ്ഗാർഡ് രക്ഷപ്പെടുത്തി​. ആലപ്പുഴ ബീച്ചിൽ ഫോട്ടോ എടുക്കുന്നതിനിടെയാണ് അമ്മയും കുഞ്ഞും തിരയിൽപ്പെട്ട് കടലിലേക്ക് ഒഴുകിപ്പോയത്. ഇന്നലെ വൈകിട്ട് 5.45 ഓടെ കടൽപ്പാലത്തിന് വടക്ക് ഭാഗത്തായിരുന്നു അപകടം. (Mother and baby drowned in sea Alappuzha).

Read Also: കൊല്ലത്ത് ബോട്ട് തിരയിൽപ്പെട്ടു; നാല് മത്സ്യത്തൊഴിലാളികൾ കടലിൽ വീണു; ദൃശ്യങ്ങൾ ട്വന്റിഫോറിന്

ഭർത്താവിന്റെ കാമറയ്ക്ക് മുന്നിൽ പോസ് ചെയ്യുന്നതിനിടെയാണ് യുവതി​യും കുട്ടി​യും അപ്രതീക്ഷിതമായി​ എത്തിയ കൂറ്റൻ തിരമാലയിൽപ്പെട്ട് പോയത്. കുട്ടിയാണ് ആദ്യം തിരയിൽപ്പെട്ട് കടലിലേക്ക് ഒഴുകിപ്പോയത്. കുഞ്ഞിനെ രക്ഷിക്കാനായി ശ്രമിക്കുന്നതിനിടെയാണ് അമ്മയും തിരയിൽപ്പെട്ട് തീരത്തു നിന്നും 20 മീറ്ററോളം ദൂരത്തേക്ക് ഒഴുകി​പ്പോയത്.

അപകടത്തിൽപ്പെട്ട അമ്മയെയും കുഞ്ഞിനെയും ലൈഫ്ഗാർഡ് അനിൽകുമാറാണ് കടലിലേക്ക് ചാടി രക്ഷപ്പെടുത്തിയത്. ലൈഫ് ഗാർഡുകളായ ഷിബു, സന്തോഷ്, ബിജു ചാക്കോ എന്നി​വരോടൊപ്പം ഭർത്താവും സഹായത്തി​നെത്തി​. ഇരുവർക്കും കാര്യമായ പരിക്ക് ഏറ്റിട്ടില്ലായിരുന്നു. അപ്രതീക്ഷിതമായുണ്ടായ അപകടത്തിൽ ഭയന്ന അമ്മയും കുട്ടി​യും കുറേ സമയം ബീച്ചിൽ ഇരുന്ന ശേഷമാണ് തിരികെ പോയത്.

Story Highlights: Mother and baby drowned in sea Alappuzha