ഉദിനൂരുകാരുടെ മൂന്നാമത് മഹാസംഗമത്തിനായി ദുബായ് ഒരുങ്ങി; പരിപാടി ഞായറാഴ്ച

പറഞ്ഞുതീരാത്ത കഥകളും അതിരുകളില്ലാത്ത സൗഹൃദ കാഴ്ചകളുമായി ഉദിനൂര്‍ മഹല്ല് മുസ്ലിം റിലീഫ് കമ്മിറ്റി സംഘടിപ്പിക്കുന്ന യു എ ഇയിലുള്ള ഉദിനൂരുകാരുടെ മൂന്നാമത് മഹാസംഗമത്തിനായി ദുബായ് ഒരുങ്ങി കഴിഞ്ഞു. ഞായറാഴ്ച ഉച്ചയ്ക്ക് 3 മണി മുതല്‍ അല്‍ ഖുസൈസ് അല്‍ ശബാബ് അല്‍ അഹ്‌ലി ഓഡിറ്റോറിയത്തില്‍ നടക്കുന്ന കണക്ടിംങ്ങ് ഉദിനൂരില്‍ വിവിധ പരിപാടികള്‍ അരങ്ങേറും. (connecting udinoor programme in dubai)

സാമൂഹ്യ സാംസ്‌കാരിക ബിസിനസ് മേഖലകളില്‍ വ്യക്തിമുദ്ര പതിപ്പിച്ചവര്‍ക്കുള്ള സ്‌നേഹാദരവ്, കുട്ടികളുടെയും മുതിര്‍ന്നവരുടെയും വിവിധ കലാപരിപാടികള്‍, ഫുട്‌ബോള്‍ ക്രിക്കറ്റ്മത്സരങ്ങള്‍ ,കമ്പവലി,മുട്ടിപ്പാട്ട്,ഫണ്‍ഴെയിംസ് , കിഡ്‌സ് ഫെസ്റ്റ് കിച്ചന്‍സ്റ്റാര്‍, ഗായകര്‍ അണിനിരക്കുന്ന ഇശല്‍ നിലാവ് തുടങ്ങിയ വിവിധ പരിപാടികളാണ് കണക്ടിംങ്ങ് ഒരുക്കിയിരിക്കുന്നതെന്ന് സംഘാടകര്‍ അറിയിച്ചു.

Story Highlights: connecting udinoor programme in dubai