തായ്‌വാൻ മെട്രോയുടെ സ്റ്റേഷൻ മാസ്റ്ററായി നിയമിക്കപ്പെട്ട് മികാൻ എന്ന പൂച്ച

ചില വാർത്തകൾ നമുക്ക് കൗതുകമാണ്. ഇങ്ങനെയൊക്കെ ഈ ലോകത്ത്‌ സംഭവിക്കുന്നുണ്ടോ എന്ന് നമുക്ക് അതിശയം തോന്നിയേക്കാം. അങ്ങനെയൊരു സംഭവത്തെ കുറിച്ചാണ് പറയുന്നത്. തായ്‌വാൻ മെട്രോ സ്റ്റേഷന്റെ സ്റ്റേഷൻ മാസ്റ്ററായി നിയമിതനായ മിക്കാൻ പൂച്ചയാണ് ഇപ്പോൾ സോഷ്യൽ മീഡിയയിൽ ചർച്ച വിഷയം.

കയോസിയുങ് മെട്രോയുടെ 15-ാം വർഷം സർവീസ് ആഘോഷിക്കുന്നതിനാണ് ഈ പ്രത്യേക നിയമനം. മിക്കാൻ ഇതിനകം യൂട്യൂബിൽ ഒരു സെലിബ്രിറ്റിയാണ് കൂടാതെ ഇൻസ്റ്റാഗ്രാമിൽ 54k ഫോളോവേഴ്‌സുമുണ്ട്. സിയോടോ ഷുഗർ റിഫൈനറി മെട്രോ സ്റ്റേഷനിലെ ഓണററി സ്റ്റേഷൻ മാസ്റ്ററാണ് ജിഞ്ചർ ടാബി ക്യാറ്റ്.

View this post on Instagram

A post shared by 高雄捷運-蜜柑站長 (@krtcmikan)

മിക്കാന്റെ ഇൻസ്റ്റാഗ്രാം പ്രൊഫൈലിൽ മെട്രോ സ്റ്റേഷനിലെ ദൈനംദിന സാഹസികതകളിൽ നിന്നുള്ള വിവരങ്ങൾ പതിവായി പങ്കിടുന്നുണ്ട്. മെട്രോ സർവീസുകളെ വീക്ഷിക്കുന്ന ‘സ്റ്റേഷൻ മിയോസ്റ്ററിന്റെ’ ഈ മനോഹര വീഡിയോ കാണാതെ പോകരുത് എന്ന അടികുറിപ്പോടെ ഈ പൂച്ച മാസ്റ്ററുടെ വീഡിയോ പ്രചരിക്കുകയാണ്. വളരെ പെട്ടെന്നാണ് മിക്കാൻ പൂച്ച താരമായത്.

Story Highlights: Meet Mikan the cat who was appointed as the honorary station master of Taiwan Metro