കുടുംബസമേതം ഉല്ലാസയാത്രക്ക്​ പുറപ്പെട്ടു; താനൂരിൽ ജീവൻ നഷ്ടമായത്​ ഒരു കുടുംബത്തിലെ 11 പേർക്ക്​

താനൂർ ബോട്ടപകടത്തിൽ ജീവൻ നഷ്ടമായത്​ ഒരു കുടുംബത്തിലെ 11 പേർക്ക്​. ഇവരുടെ ബന്ധുക്കളായ രണ്ട്​ പേർക്കും ജീവൻ നഷ്ടമായി.ഒരാളെ അപകടത്തിൽ കാണാതായി.പരപ്പനങ്ങാടി തീരത്തെ ​ സൈതലവിയുടെ കുടുംബത്തിലെ 11 പേരു​ടെ ജീവനാണ്​ പുഴ എടുത്തത്​.

പരപ്പനങ്ങാടി ആവിൽ ബീച്ച്​ കുന്നുമ്മൽ സൈതലവിയുടെ ഭാര്യ സീനത്ത്​ (43), മകൾ ഹസ്ന (18), ഷംന (16), ഷഫ്​ല (13), ഫിദ ദിൽന (എട്ട്​), സൈതലവിയുടെ സഹോദരൻ സിറാജിന്‍റെ ഭാര്യ റസീന (27), മകൾ ഷഹ്​റ (എട്ട്​), ഫാത്തിമ റിഷിദ (ഏഴ്​), നൈറ ഫാത്തിമ (പത്ത്​ മാസം), സൈതലവിയു​െട സഹോദരി നുസ്​റത്ത്​ന്റെ മകൾ ആയിഷ മെഹറിൻ (ഒന്നര വയസ്​) എന്നിവർക്കാണ്​ ദാരുണാപകടത്തിൽ ഒരേ കുടുംബത്തിൽ നിന്നും ജീവൻ നഷ്ടമായത്​

ആവിൽ ബീച്ചിൽ കുന്നുമ്മൽ വീട്ടിൽ ജാബിറിന്‍റെ ഭാര്യ കുന്നുമ്മൽ ജൽസിയ എന്ന കുഞ്ഞിമ്മു (42), മകൻ ജരീ​ർ (12), എന്നിവരും അപകട​ത്തിൽ മരിച്ചു. ഇവരുടെ മക്കളായ ജന്നയും (എട്ട്​) ജിഫ്​റയും (പത്ത്​) അപകടത്തിൽപ്പെട്ടിട്ടുണ്ട്​.

സൈതലവിയും ജാബിറും ഒഴികെ കുടുംബസമേതം മാതാക്കളോടൊപ്പം കെട്ടുങ്ങൽ അഴിമുഖത്തെ ബോട്ടിൽ ഉല്ലാസയാത്രക്ക്​ പുറപ്പെട്ടതായിരുന്നു.

Story Highlights: 22 dead as tourist boat overturns at Tanur