ആന്റോ ജോസഫ് സംസ്‌കാര സാഹിതി സംസ്ഥാന ചെയര്‍മാന്‍; അഭിമാനമെന്ന് ഷാഫി പറമ്പിൽ

കെപിസിസിയുടെ കലാ സാംസ്കാരിക വിഭാഗമായ സംസ്കാര സാഹിതിയുടെ സംസ്ഥാന ചെയര്‍മാനായി ചലച്ചിത്ര നിര്‍മാതാവ് ആന്റോ ജോസഫിനെ നിയമിച്ചു. സാംസ്ക്കാരിക സാഹിതിയുടെ ചെയർമാനായി പാർട്ടി ആന്റോ ജോസഫിനെ ഏൽപ്പിക്കുമ്പോൾ അത് അഭിമാനമാണെന്നും ഷാഫി പറമ്പിൽ ഫേസ്ബുക്കിൽ കുറിച്ചു.(Anto Joseph Appointed as Chairman of Samskara Sahithi)

പാർട്ടിയുടെ നല്ല കാലത്തും പ്രതിസന്ധി കാലത്തുമെല്ലാം ഞാൻ കോൺഗ്രസാണ് എന്ന് പറയാൻ,പ്രത്യേകിച്ച് സിനിമാ മേഖലയിൽ സജീവമായി നിൽക്കുമ്പോൾ തന്നെ,ആർജ്ജവം കാണിക്കുന്ന പ്രിയപ്പെട്ട ആന്റോ ചേട്ടന് ഹൃദയം നിറഞ്ഞ അഭിവാദ്യങ്ങളെന്ന് ഷാഫി ഫേസ്ബുക്കിൽ കുറിച്ചു.

Read Also: https://www.twentyfournews.com/2023/06/09/alert-issued-in-india-over-top-5-diseases.html

ആര്യാടന്‍ ഷൗക്കത്ത് രാജിവച്ച ഒഴിവിലാണ് ആന്റോ ജോസെഫിന്റെ നിയമനം. കണ്‍വീനര്‍ ആയി ആലപ്പി അഷറഫിനെയും കെപിസിസി അധ്യക്ഷന്‍ കെ.സുധാകരന്‍ എം.പി നിയമിച്ചു.

ഷാഫി പറമ്പിൽ ഫേസ്ബുക്കിൽ കുറിച്ചത്

പഴയ കെ എസ് യു ക്കാരനാണ്,
കോൺഗ്രസ്സ് ആണ്,ഏട്ടനാണ്,സുഹൃത്താണ്..
ഇപ്പോൾ സാംസ്ക്കാരിക സാഹിതിയുടെ ചെയർമാനായി പാർട്ടി പുതിയ നിയോഗം ഏൽപ്പിക്കുമ്പോൾ അത് അഭിമാനമാണ്.
പാർട്ടിയുടെ നല്ല കാലത്തും പ്രതിസന്ധി കാലത്തുമെല്ലാം ഞാൻ കോൺഗ്രസ്സാണ് എന്ന് പറയാൻ,പ്രത്യേകിച്ച് സിനിമാ മേഖലയിൽ സജീവമായി നിൽക്കുമ്പോൾ തന്നെ,ആർജ്ജവം കാണിക്കുന്ന പ്രിയപ്പെട്ട ആന്റോ ചേട്ടന് ഹൃദയം നിറഞ്ഞ അഭിവാദ്യങ്ങൾ.

Story Highlights: Anto Joseph Appointed as Chairman of Samskara Sahithi