‘കർഷകർക്കൊപ്പം നൃത്തം ചെയ്ത് സോണിയ ഗാന്ധി’; വിഡിയോ വൈറലാകുന്നു
ഹരിയാനയില്നിന്നുള്ള കര്ഷകസ്ത്രീകള്ക്കൊപ്പം നൃത്തച്ചുവടുകള്വെക്കുന്ന കോണ്ഗ്രസ് മുന് അധ്യക്ഷ സോണിയാ ഗാന്ധിയുടെ വിഡിയോ സാമൂഹികമാധ്യമങ്ങളില് വൈറലാകുന്നു. ജൂലൈ എട്ടിന് ഹരിയാനയിലെ സോനിപത്തിൽ രാഹുൽ ഗാന്ധി സന്ദർശിച്ച അതേ ഗ്രാമത്തിലെ കർഷകരാണ് സോണിയയുമായി നൃത്തം ചെയ്യുന്നത്. (Sonia Gandhi Dances with Women Farmers from Haryana)
സന്ദർശനവേളയിൽ രാഹുൽ ഗാന്ധിയുടെ ഡൽഹിയിലെ വീട് കാണണമെന്ന് കർഷകർ ആഗ്രഹം പ്രകടിപ്പിച്ചിരുന്നു. തുടർന്ന് സോണിയ ഗാന്ധി വനിതാ കർഷകരെ ഉച്ചഭക്ഷണത്തിന് ക്ഷണിക്കുകയും യാത്രാസൗകര്യം ഏർപ്പെടുത്തുകയുമായിരുന്നു.
സോണിയാ ഗാന്ധി തന്റെ വസതിയിൽ വെച്ച് കർഷകരുമായി നടത്തിയ സംഭാഷണത്തിൻ്റെയും ഉച്ചഭക്ഷണത്തിന്റെയും വിഡിയോ പങ്കുവെച്ചത് കോൺഗ്രസ് പ്രവർത്തക രുചിത ചതുർവേദിയാണ്.ഹരിയാനയിലെ സോനിപത് ഗ്രാമത്തിലെത്തിയ രാഹുൽ ഗാന്ധി കർഷകർക്കൊപ്പം ട്രാക്ടറോടിച്ചും വിത്ത് വിതച്ചുമാണ് സമയം ചിലവിട്ടത്.
Read Also: ജൂൺ മാസത്തിൽ കെഎസ്ആർടിസിയുടെ ടിക്കറ്റ് വരുമാനം മാത്രം 201 കോടിയിലധികം രൂപ; കണക്ക് ട്വൻ്റിഫോറിന്
അപ്രതീക്ഷിതമായി സന്ദർശനം നടത്തിയ രാഹുൽ ഗാന്ധി ഗ്രാമവാസികളുമായും കർഷകരുമായും സംവദിച്ചു. ഡൽഹിയിൽ നിന്ന് ഹിമാചൽ പ്രദേശിലേക്കുള്ള യാത്രക്കിടെയാണ് രാഹുൽ ഗാന്ധി സോനിപത് ഗ്രാമത്തിലെത്തിയത്.
Story Highlights: Sonia Gandhi Dances with Women Farmers from Haryana
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here