പുലിക്കളിക്ക് കേന്ദ്ര സഹായം; ഒരു ലക്ഷം രൂപ പ്രഖ്യാപിച്ച് കേന്ദ്ര സാംസ്‌കാരിക വകുപ്പ്

തൃശൂരിലെ സാംസ്‌കാരിക തനിമയായ പുലിക്കളിക്ക് ധനസഹായം പ്രഖ്യാപിച്ച് കേന്ദ്രസര്‍ക്കാര്‍. പുലിക്കളി സംഘത്തിന് ഒരു ലക്ഷം രൂപ വീതം ധനസഹായമാണ് കേന്ദ്ര സാംസ്‌കാരിക വകുപ്പ് പ്രഖ്യാപിച്ചത്. ഇത്തവണ സെപ്റ്റംബര്‍ 1 നാണ് പുലികളി നടക്കുക. 5 ടീമുകളാണ് ഇത്തവണ മത്സരരംഗത്തുള്ളത്.

അതേസമയം പുലിക്കളിക്കു നല്‍കുന്ന സഹായം 2.5 ലക്ഷം രൂപയാക്കാന്‍ കോര്‍പറേഷന്‍ തീരുമാനിച്ചിരുന്നു. എന്നാല്‍ 2022ലെ പുലിക്കളി കഴിഞ്ഞ് 11 മാസം പിന്നിട്ടിട്ടും ടൂറിസം സഹായധനം വിതരണം ചെയ്തിട്ടില്ലെന്ന് ആക്ഷേപം ഉയര്‍ന്നിരുന്നു. ജില്ലാ ഭരണകൂടവും ഡിടിപിസിയും സംയുക്തമായി സംഘടിപ്പിക്കുന്ന ജില്ലാതല ഓണാഘോഷം 28 മുതല്‍ സെപ്റ്റംബര്‍ ഒന്നു വരെ തേക്കിന്‍കാട് മൈതാനിയിലാണ് നടക്കുക.

Story Highlights : Suresh Gopi Wealth Report BJP candidate Thrissur