യുപിയിൽ മോഷ്ടിച്ച നോട്ടുകൾ കിടക്കയിലിട്ട് ഇൻസ്റ്റഗ്രാം റീൽ ചിത്രീകരണം; മോഷ്ടാക്കളെ പിടികൂടി പൊലീസ്

മോഷ്ടിച്ച നോട്ടുകൾ കിടക്കയിലിട്ട് ഇൻസ്റ്റഗ്രാം റീൽ ചിത്രീകരണം നടത്തിയ മോഷ്ടാക്കളെ പിടികൂടി പൊലീസ്. ഉത്തർ പ്രദേശിലെ കാൺപൂരിലാണ് സംഭവം. മോഷ്ടാക്കളെ കണ്ടെത്താൻ കഴിയാതെ പൊലീസ് കുഴങ്ങുമ്പോഴാണ് ഇൻസ്റ്റഗ്രാമിൽ റീൽ പ്രത്യക്ഷപ്പെട്ടതും ഈ റീൽ പരിശോധിച്ച് പൊലീസ് മോഷ്ടാക്കളെ പിടികൂടിയതും.

#कानपुर चोरी की रकम से मौज-मस्ती करते चोरों का वीडियो आया सामने,होटल में चोरी के लाखों रुपयों के साथ वीडियो बनाकर इंस्टाग्राम पर डाला,वीडियो में चोर 500-500 के नोटों के बंडल दिखा रहे हैं चोर,चोरों ने नोटों का बना रखा है बिस्तर,
गोविंदनगर थाना क्षेत्र में हुई थी चोरी pic.twitter.com/hbpqSsJEZO

— ठाkur Ankit Singh (@liveankitknp) October 5, 2023

തരുൺ ശർമ എന്ന ജോത്സ്യൻ്റെ വീട്ടിലാണ് മോഷണം നടന്നത്. വീട്ടിലെ സിസിടിവി ദൃശ്യങ്ങളടക്കം പരിശോധിച്ചെങ്കിലും പൊലീസിന് മോഷ്ടാക്കളെ തിരിച്ചറിയാൻ കഴിഞ്ഞില്ല. പൊലീസ് അന്വേഷണം പുരോഗമിക്കവെയാണ് മോഷ്ടാക്കൾ ഹോട്ടൽ മുറിയിലെ കിടക്കയിൽ മോഷ്ടിച്ച നോട്ടുകൾ നിരത്തി വിഡിയോ ചിത്രീകരിച്ചത്. ഈ വിഡിയോ വൈറലായതോടെ പൊലീസും ശ്രദ്ധിച്ചു. തുടർന്ന് ഡിജിറ്റൽ ട്രാക്കിങ്ങിലൂടെ പൊലീസ് പ്രതികളെ കണ്ടെത്തുകയായിരുന്നു. ഇവരുടെ പക്കൽ നിന്ന് രണ്ട് ലക്ഷം രൂപയും രണ്ട് മൊബൈൽ ഫോണുകളും പൊലീസ് പിടിച്ചെടുത്തു.

Story Highlights: uttar pradesh thieves instagram reel