പയ്യന്നൂരിൽ യുവതിയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി; സുഹൃത്ത് ആത്മഹത്യ ചെയ്ത നിലയിലും
കണ്ണൂർ പയ്യന്നൂരിൽ യുവതിയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. അന്നൂരിലെ വീട്ടിലാണ് മാതമംഗലം സ്വദേശി അനിലയെ മരിച്ച നിലയിൽ കണ്ടെത്തിയത്. യുവതിയുടെ സുഹൃത്തായ മാതമംഗലം സ്വദേശി സുദർശന പ്രസാദിനെ ആത്മഹത്യ ചെയ്തതിലും കണ്ടെത്തി. യുവതിയെ കൊലപ്പെടുത്തിയ ശേഷം യുവാവ് ആത്മഹത്യ ചെയ്തതെന്നാണ് നിഗമനം.
പയ്യന്നൂർ അന്നൂരിലെ ബെറ്റി എന്നയാളുടെ വീട്ടിലാണ് മാതമംഗലം സ്വദേശിനിയായ യുവതിയെ മരിച്ച നിലയിൽ കണ്ടെത്തിയത്. യുവതിയുടെ സുഹൃത്തായ സുദർശന പ്രസാദിനെ മാതമംഗലത്ത് ആത്മഹത്യ ചെയ്ത നിലയിലും കണ്ടെത്തി. വീട്ടുടമസ്ഥർ വിനോദയാത്രയ്ക്ക് പോയതിനാൽ വീടിൻറെ പരിപാലന ചുമതല സുദർശന പ്രസാദിനെ ഏൽപ്പിച്ചിരുന്നു. ജോലിക്ക് പോയിരുന്ന യുവതി ഇന്നലെ വൈകിട്ട് വീട്ടിൽ തിരിച്ചെത്തിയില്ല. പിന്നാലെ ഭർത്താവും സഹോദരനും പോലീസിൽ പരാതി നൽകി.
Read Also: കൊച്ചിയിൽ അരുംകൊല; നവജാത ശിശുവിനെ ഫ്ലാറ്റിൽ നിന്ന് താഴേക്ക് എറിഞ്ഞുകൊന്നു
അന്വേഷണം പുരോഗമിക്കുന്നതിനിടെ ഇന്ന് പുലർച്ചയോടെയാണ് യുവതിയെ അന്നൂർ കൊരവയലിലെ വീട്ടിൽ മരിച്ച നിലയിൽ നാട്ടുകാർ കണ്ടെത്തിയത്. അളില്ലാത്ത വീട്ടിലെത്തിച്ച് കൊലപ്പെടുത്തിയെന്നാണ് പോലീസിനെ നിഗമനം. യുവതിയും യുവാവും തമ്മിലുള്ള സൗഹൃദത്തെ ചൊല്ലി തർക്കങ്ങൾ നിലനിന്നിരുന്നു. സംഭവത്തിൽ വിശദമായ അന്വേഷണം നടത്തുമെന്ന് പൊലീസ് വ്യക്തമാക്കി. ഇരുവരും തമ്മിലുള്ള ബന്ധത്തിലെ വിള്ളൽ കൊലപാതകത്തിലേക്കും തുടർന്നുള്ള ആത്മഹത്യയ്ക്കും പ്രകോപനമായെന്നാണ് നിഗമനം.
ആത്മഹത്യ ഒന്നിനും പരിഹാരമല്ല. മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാൻ ശ്രമിക്കുക. സഹായത്തിനായി വിളിക്കൂ 1056.
Story Highlights : Young woman found dead Payyannur
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here