വടക്കഞ്ചേരി മുസ്ലിം പള്ളിയിലെ മോഷണം; പ്രതി പിടിയിൽ

പാലക്കാട്‌ വടക്കഞ്ചേരി ഹനഫി പള്ളിയിലെ മോഷണക്കേസ് പ്രതി പിടിയിൽ. തൃശ്ശൂർ ഒല്ലൂർ പെരുവൻകുളങ്ങര ഐനിക്കൽ വീട്ടിൽ നവീനെയാണ് വടക്കഞ്ചേരി പൊലീസ് പിടികൂടിയത്. കഴിഞ്ഞ ദിവസമാണ് വടക്കഞ്ചേരി ഹനഫി പള്ളിയുടെ ഭണ്ഡാരം കൊത്തിത്തുറന്ന് പ്രതി മോഷണം നടത്തിയത്. മോഷണം നടത്തുന്നതിന്റെ സിസിടിവി ദൃശ്യം പൊലീസിന് ലഭിച്ചിരുന്നു. തൃശ്ശൂർ ജില്ലയിലെ ഒല്ലൂർ, പുതുക്കാട്, കൊടകര, മണ്ണുത്തി സ്റ്റേഷനുകളിലായി പത്തോളം മോഷണം കേസുകൾ ഇയാളുടെ പേരിൽ ഉണ്ടെന്ന് പൊലീസ് പറഞ്ഞു.

Story Highlights: wadakkanchery mosque theft culprit arrest