പുതിയ കാലവും പുതിയ ലോകവും നേരിടാന് കുട്ടികളെ പ്രാപ്തരാക്കണം; സ്കൂള് പ്രവേശനോത്സവം ഉദ്ഘാടനം ചെയ്ത് മുഖ്യമന്ത്രി

സംസ്ഥാനതല സ്കൂള് പ്രവേശനോത്സവം ഉദ്ഘാടനം ചെയ്ത് മുഖ്യമന്ത്രി പിണറായി വിജയന്. എറണാകുളം എളമക്കര ജി.എച്ച്.എസ്.എസിലായിരുന്നു പ്രവേശനോത്സവം ഉദ്ഘാടനം. വിദ്യാര്ത്ഥികളെ സ്വാഗതം ചെയ്തും പുതിയ അധ്യയന വര്ഷത്തെ സംസ്ഥാനത്തിന്റെ നേട്ടങ്ങളും പറഞ്ഞായിരുന്നു മുഖ്യമന്ത്രിയുടെ പ്രസംഗം. ഇത്തവണയും കൃത്യസമയത്ത് പാഠപുസ്തകവും യൂണിഫോമും കുട്ടികള്ക്ക് നല്കാനായെന്ന് മുഖ്യമന്ത്രി പറഞ്ഞു.(Pinarayi Vijayan inaugurated school Praveshanolsavam)
ക്ലാസ് മുറികള് ഹൈടെക്കായി. റോബോട്ടിക് കിറ്റുകള് ലഭ്യമാക്കി. വിദ്യാഭ്യാസത്തിനും വിനോദത്തിനും ഒട്ടേറെ സാധ്യതകളുള്ള ഇടമാക്കി വിദ്യാലയങ്ങളെ മാറ്റി. പുതിയ കാലവും പുതിയ ലോകവുമാണ്. ഇത് നേരിടാന് കുട്ടികളെ പ്രാപ്തരാക്കുകയാണ് പൊതുവിദ്യാഭ്യാസ മേഖലയുടെ ലക്ഷ്യം. പൊതുവിദ്യാഭ്യാസ മേഖലയെ കണ്ണിലെ കൃഷ്ണമണി പോലെ കാത്തുസൂക്ഷിക്കാന് നാടിന് ഉത്തരവാദിത്തമുണ്ടെന്നും മുഖ്യമന്ത്രി കൂട്ടിച്ചേര്ത്തു.
Read Also: സംസ്ഥാനത്ത് ആദ്യമായി പാഠപുസ്തകത്തില് വിദ്യാര്ത്ഥികളുടെ പങ്കാളിത്തവും
ഒന്നാം ക്ലാസ്സിലേക്ക് ഇതുവരെ വന്നുചേര്ന്നത് രണ്ട് ലക്ഷത്തിനാല്പത്തി നാലായിരത്തി അറുന്നൂറ്റി നാല്പത്തിയാറ് കുട്ടികളാണ്. ഇതുള്പ്പെടെ മധ്യവേനല് അവധി കഴിഞ്ഞ് മുപ്പത്തിയൊമ്പത് ലക്ഷത്തി തൊണ്ണൂറ്റി നാലായിരത്തി തൊള്ളായിരത്തി നാല്പത്തി നാല് കുട്ടികള് ഇന്നു സ്കൂളുകളിലേക്ക് എത്തും.
Story Highlights : Pinarayi Vijayan inaugurated school Praveshanolsavam
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here