വയനാടിന് നിഷ്ക ജുവല്ലേഴ്‌സിന്റെ കരുതൽ; 50 ലക്ഷം രൂപയുടെ സഹായം പ്രഖ്യാപിച്ചു

പ്രമുഖ ജ്വല്ലറി ഗ്രൂപ്പ് ആയ നിഷ്ക ജുവല്ലേഴ്‌സ്, വയനാട് മുണ്ടക്കൈ ദുരന്തനിവാരണത്തിനായി 50 ലക്ഷം രൂപയുടെ സഹായം പ്രഖ്യാപിച്ചു. വയനാട്ടിലെ പ്രശസ്തമായ മോറിക്കാപ്പ് റിസോർട്ട്, ലോർഡ്‌സ് 83 റിസോർട്ട് എന്നിവയുടെ ചെയർമാനും നിഷ്ക ഗ്രൂപ്പ് ഓഫ് കമ്പനീസ് ചെയർമാനും ആയ ശ്രീ നിഷിൻ തസ്ല‌ിം ആണ് ഉരുൾ പൊട്ടലിൽ സർവ്വതും നഷ്ടമായവർക്കായി ധനസഹായം പ്രഖ്യാപിച്ചത്.

ദുരിതാശ്വാസ ക്യാമ്പുകളിലേക്ക് എംഎൽഎ ഓഫീസ് വഴി 15 ലക്ഷം രൂപയുടെ വസ്ത്രങ്ങൾ, ദിവസേനയുള്ള ഭക്ഷണം എന്നിവ നിഷ്ക ഗ്രൂപ്പ് എത്തിച്ചു നൽകുമെന്ന് വി എ ഹസ്സൻ അറിയിച്ചു.

നിഷിനെ സംബന്ധിച്ച് തന്റെ നാടിന്റെ പുനർനിർമാണം സ്വന്തം ഉത്തരവാദിത്തമായാണ് അദ്ദേഹം കാണുന്നത്. അപകടത്തിൽപെട്ട തന്റെ നാട്ടുകാരുടെ അടിസ്ഥാന ആവശ്യങ്ങളായ ഭക്ഷണസാമഗ്രികൾ, വസ്ത്രം, പാർപ്പിടം എന്നിവ സാധ്യമാക്കി നൽകുകയാണ് ഈ സഹായത്തിലൂടെ നിഷ്ക ഗ്രൂപ്പ് ചെയർമാൻ നിഷിൻ ലക്ഷ്യമിടുന്നത്.

Story Highlights : Nishka Jewellery gives Rs 50 lakhs for Mundakai disaster relief