സൗബിൻ ഷാഹിറിന്റെ പറവ ഫിലിംസിൽ ആദായ നികുതി വകുപ്പ് റെയ്‌ഡ്‌

കൊച്ചിയിലെ സിനിമ വിതരണ നിർമ്മാണ സ്ഥാപനങ്ങളിൽ ഇൻകം ടാക്‌സ് റെയ്‌ഡ്‌. നടൻ സൗബിൻ ഷാഹിറിന്റെ കൊച്ചിയിലെ ഓഫീസിൽ ആദായ നികുതി വകുപ്പ് റെയ്ഡ് നടത്തി. ആദായ നികുതി വകുപ്പ് കൊച്ചി യൂണിറ്റിലെ ഉദ്യോഗസ്ഥരാണ് റെയ്ഡ് നടത്തുന്നത്. സിനിമ വിതരണക്കാരായ ഡ്രീം ബിഗ് പ്രോഡക്‌ഷൻസിന്റെ ഓഫീസിലും റെയ്‌ഡ്‌ നടത്തി. ഏഴ് സ്ഥാപനങ്ങളിൽ ഒരേസമയം റെയ്‌ഡ്‌ നടക്കുകയാണ്

പറവ ഫിലിംസ് കമ്പനി നടത്തിയ സാമ്പത്തിക ഇടപാടുകളിലാണ് റെയ്ഡ് നടക്കുന്നത്. പറവ ഫിലിംസ് കമ്പനിയുടെ ഓഫീസ്, പുല്ലേപ്പടിയിലെ ഡ്രീം ബിഗ് ഡിസ്ട്രിബ്യൂട്ടേഴ്സ് ഓഫീസ് അടക്കമുള്ള ഇടങ്ങളിലാണ് റെയ്ഡ്. രണ്ട് സിനിമാ നിർമ്മാണ കമ്പനികളുടെയും സാമ്പത്തിക സ്രോതസ്സുകളെ കുറിച്ചാണ് പ്രധാന പരിശോധനയെന്ന് ഇൻകം ടാക്സ് ഇൻവെസ്റ്റിഗേഷൻ വിഭാഗം അറിയിച്ചു.

Story Highlights : Income Tax Raid in Parava Films