പൊലീസ് ഉദ്യോഗസ്ഥനെ ക്വാട്ടേഴ്സില്‍ തൂങ്ങിമരിച്ച നിലയില്‍ കണ്ടെത്തി

മലപ്പുറത്ത് പൊലീസ് ഉദ്യോഗസ്ഥനെ ക്വാട്ടേഴ്സില്‍ തൂങ്ങിമരിച്ച നിലയില്‍ കണ്ടെത്തി. MSP മേല്‍മുറി ക്യാമ്പിലെ ഹവീല്‍ദാര്‍ സച്ചിനാണ് മരിച്ചത്. കോഴിക്കോട് കുന്ദമംഗലം സ്വദേശിയാണ്.

വൈകിട്ട്, 6.30 ഓടെയാണ് സംഭവം. ഭാര്യ പുറത്ത് പോയി ക്വാട്ടേഴ്‌സിലേക്ക് തിരിച്ചെത്തിയ സമയത്താണ് സച്ചിനെ തൂങ്ങി മരിച്ച നിലയില്‍ കണ്ടത്. സാമ്പത്തിക പ്രശ്‌നങ്ങളാണ് ആത്മഹത്യയിലേക്ക് നയിച്ചതെന്നാണ് പ്രാഥമിക വിവരം. സച്ചിന്‍ വീട് അടുത്തിടെ വിറ്റിരുന്നു. അതിന് ശേഷം ക്വാട്ടേഴ്‌സിലാണ് താമസം. ഇന്നലെയാണ് ശബരിമല ഡ്യൂട്ടി കഴിഞ്ഞ് ഇയാള്‍ തിരിച്ചെത്തിയത്. മലപ്പുറം താലൂക്ക് ആശുപത്രിയിലാണ് മൃതദേഹമുള്ളത്.

Story Highlights : The police officer was found dead in the quarters