‘ഓൾ വി ഇമാജിൻ ആസ് ലൈറ്റിന്’ ബാഫ്റ്റയിൽ പുരസ്കാരമില്ല

ബാഫ്റ്റ വേദിയിൽ പായൽ കപാഡിയ ചിത്രം ‘ഓൾ വി ഇമാജിൻ ആസ് ലൈറ്റിന്’ പുരസ്‌കാരം നഷ്ടമായി. ഇംഗ്ലീഷ് ഇതര ഭാഷാ വിഭാഗത്തിലെ മികച്ച ചിത്രത്തിനായുള്ള നോമിനേഷനിലായിരുന്നു ‘ഓൾ വി ഇമാജിൻ ആസ് ലൈറ്റ്’ മത്സരിച്ചത്. ഈ പുരസ്കാരം ഫ്രഞ്ച് സിനിമ ‘എമിലിയ പെരസ്’ നേടി. ഇത് മൂന്നാം തവണയാണ് എമിലിയ പെരെസുമായി മത്സരിച്ച് ഓൾ വി ഇമാജിൻ ആസ് ലൈറ്റ് പുരസ്കാരം നേടുന്നതിൽ നിന്ന് പരാജയപ്പെടുന്നത്. [All We Imagine as Light]

ബ്രിട്ടീഷ് അക്കാദമി ഫിലിം ആന്റ് ടെലിവിഷൻ അവാർഡുകളാണ് ബാഫ്റ്റ എന്നറിയപ്പെടുന്നത്. 78-ാമത് ബാഫ്റ്റ പുരസ്കാര ചടങ്ങാണ് ലണ്ടനിൽ നടന്നത്. പ്രശസ്ത സ്കോട്ടിഷ് നടൻ ഡേവിഡ് ടെന്നന്റ് ആണ് ചടങ്ങിന്റെ അവതാരകനായി എത്തിയത്.

Read Also: ‘പ്രൊജക്ട് വാട്ടർവർത്ത്’, ലോകത്തിലെ ഏറ്റവും വലിയ സമുദ്രാന്തര്‍ കേബിള്‍ പദ്ധതിയുമായി മെറ്റ

കാൻ ചലച്ചിത്രമേളയിൽ ഏറെ ശ്രദ്ധിക്കപ്പെട്ട ചിത്രമാണ് ‘ഓൾ വി ഇമാജിൻ ആസ് ലൈറ്റ്’. പായൽ കപാഡിയ സംവിധാനം ചെയ്ത ഈ ചിത്രം നിരവധി പുരസ്കാരങ്ങൾ നേടിയിട്ടുണ്ട്. 2013-ൽ ‘ലഞ്ച് ബോക്സ്’നു ശേഷം ബാഫ്റ്റ പുരസ്കാരത്തിന് നാമനിർദ്ദേശം ചെയ്യപ്പെട്ട ഇന്ത്യൻ സിനിമകൂടിയാണ് ‘ഓൾ വി ഇമാജിൻ ആസ് ലൈറ്റ്’.

Story Highlights : In BAFTA Awards ‘All We Imagine as Light’ Loses to Emilia Perez