‘ആരാണ് ഖുറേഷി അബ്രാം, അറിയാൻ ഇനി ദിവസങ്ങൾ മാത്രം’; എമ്പുരാൻ ട്രെയ്‌ലർ നാളെ ഉച്ചയ്ക്ക് 1: 8 ന് പുറത്തുവിടും

മലയാളികൾ ആവേശത്തോടെ കാത്തിരിക്കുന്ന എമ്പുരാന്റെ ട്രെയിലർ അപ്ഡേറ്റ് പുറത്ത്. ട്രെയിലർ നാളെ റിലീസ് ചെയ്യും. ഉച്ചയ്ക്ക് 1:08 ആകും ട്രെയിലർ റിലീസ് ചെയ്യുക. മോഹൻലാൽ തന്നെയാണ് ഇതോട് അനുബന്ധിച്ചുള്ള പുതിയ പോസ്റ്ററും പുറത്തുവിട്ടത്. അടുത്തിടെ ട്രെയിലർ രജനികാന്തിനെ പൃഥ്വിരാജ് കാണിച്ചിരുന്നു.

സാധരണ സിനിമകളുടെ ട്രെയ്‌ലർ വൈകിട്ടാണ് പുറത്തുവിടാറുള്ളത്. എന്നാൽ എമ്പുരാന്‍റെ ട്രെയ്‌ലർ പുറത്തെത്തുന്നത് നാളെ ഉച്ചയ്ക്ക് 1 : 8 നാണ്. എന്തുകൊണ്ടാണ് കൃത്യം ഈ സമയത്ത് തന്നെ ട്രെയ്ലർ എത്തുന്നത് എന്നത് സംബന്ധിച്ച് ആരാധകർ വലിയ ആകാംക്ഷയിലുമായിരിക്കുകയാണ്. ഈ സമയത്തിന് പിന്നിലെ കൗതുകം സമൂഹ മാധ്യമങ്ങളിൽ വലിയ ചർച്ചയുമായി.

ഇതിന് ബൈബിളുമായി ബന്ധമുണ്ടെന്നാണ് ചിലരുടെ കണ്ടെത്തൽ. സിനിമയുടെ ട്രെയ്‌ലർ പുറത്തിറങ്ങുന്ന സമയത്തിൽ പോലും ഒരു ബ്രില്യൻസ് ഒളിപ്പിച്ചുവെക്കുകയാണ് എമ്പുരാൻ ടീം എന്നും ആരാധകർ പറയുന്നു. 2019ൽ റിലീസ് ചെയ്ത ബ്ലോക്ക്ബസ്റ്റർ ചിത്രം ലൂസിഫറിന്റെ രണ്ടാം ഭാഗമായി എത്തുന്ന എമ്പുരാൻ നിർമ്മിച്ചിരിക്കുന്നത്, ലൈക്ക പ്രൊഡക്ഷൻസ്, ആശീർവാദ് സിനിമാസ്, ശ്രീ ഗോകുലം മൂവീസ് എന്നിവയുടെ ബാനറിൽ സുഭാസ്കരൻ, ആന്റണി പെരുമ്പാവൂർ, ഗോകുലം ഗോപാലൻ എന്നിവർ ചേർന്നാണ്.

ഖുറേഷി-അബ്രാം / സ്റ്റീഫൻ നെടുമ്പള്ളി എന്ന പ്രധാന കഥാപാത്രമായി മോഹൻലാൽ അഭിനയിക്കുന്ന ചിത്രത്തിൽ പൃഥ്വിരാജ്, മഞ്ജു വാര്യർ, ടൊവിനോ തോമസ്, ഇന്ദ്രജിത് സുകുമാരൻ, സുരാജ് വെഞ്ഞാറമൂട്, ജെറോം ഫ്ലിൻ, ബൈജു , സായ്‌കുമാർ, ആൻഡ്രിയ ടിവാടർ, അഭിമന്യു സിങ്, സാനിയ ഇയ്യപ്പൻ, ഫാസിൽ, സച്ചിൻ ഖഡ്കർ, നൈല ഉഷ, ജിജു ജോൺ, നന്ദു.

മുരുകൻ മാർട്ടിൻ, ശിവജി ഗുരുവായൂർ, മണിക്കുട്ടൻ, അനീഷ് ജി മേനോൻ, ശിവദ, അലക്സ് ഒനീൽ, എറിക് എബണി, കാർത്തികേയ ദേവ്, മിഹയേല് നോവിക്കോവ്, കിഷോർ, സുകാന്ത്, ബെഹ്‌സാദ്‌ ഖാൻ, നിഖാത് ഖാൻ, സത്യജിത് ശർമ്മ, നയൻ ഭട്ട്, ശുഭാംഗി, ജൈസ് ജോസ് തുടങ്ങി വമ്പൻ താരനിരയാണ് അണിനിരക്കുന്നത്.മൂന്നു ഭാഗങ്ങളായി കഥ പറയുന്ന ഒരു സിനിമാ സീരിസിന്റെ രണ്ടാം ഭാഗമാണ് എമ്പുരാൻ.

Story Highlights : Empuraan Trailer Will Release tommorow