SKN 40: കോട്ടയം ജില്ലയിൽ പര്യടനം രണ്ടാം ദിനത്തിൽ

എസ്കെഎൻ ഫോർട്ടി കേരള യാത്ര ഇന്നും കോട്ടയം ജില്ലയിൽ പര്യടനം നടത്തും. കോട്ടയം തിരുനക്കര മൈതാനിയിൽ നിന്നാണ് ഇന്നത്തെ പര്യടനം ആരംഭിക്കുക. ഇന്ന് രാവിലെ കോട്ടയം തിരുനക്കര മൈതാനിയിൽ നിന്ന് ഗുഡ്മോണിങ് വിത്ത് ആർ ശ്രീകണ്ഠൻ നായർ ഷോയോടെ രണ്ടാം ദിന പര്യടനം ആരംഭിക്കും.

നൂറുകണക്കിന് പേരാണ് ഇന്നലെ യാത്രയിൽ പങ്കാളികളായത്. ലഹരി വിരുദ്ധ സന്ദേശം ജനമനസ്സുകളിൽ ഊട്ടിയുറപ്പിച്ചാണ് കോട്ടയം ജില്ലയിലെ ആദ്യദിനപര്യടനം പൂർത്തിയായത്. വൈക്കത്തു നിന്ന് ആരംഭിച്ച പര്യടനം ചങ്ങനാശ്ശേരിയിൽ അവസാനിച്ചു. വൈക്കം ബോട്ട് ജെട്ടി, ചീപ്പുങ്കൽ, കടുത്തുരുത്തി, ചങ്ങനാശ്ശേരി പെരുന്ന ബസ് സ്റ്റാൻഡ് എന്നിവിടങ്ങളിൽ നൂറുകണക്കിന് ആളുകൾ ലഹരി വിരുദ്ധ യാത്രയുടെ ഭാഗമായി. ലഹരിക്കെതിരായ പ്രതിജ്ഞ ഉറക്കെ പറഞ്ഞ് കടുത്തുരുത്തി സെന്റ് മൈക്കിൾസ് സ്‌കൂളിലും കേരള യാത്ര എത്തി.

Story Highlights : SKN 40 Kerala Yatra second day in Kottayam