കെ എൽ രാഹുലിന് അർധ സെഞ്ച്വറി; പവര്‍ പ്ലേയില്‍ പതറിയ ഡല്‍ഹി മികച്ച നിലയിൽ

ഐപിഎല്ലില്‍ റോയല്‍ ചലഞ്ചേഴ്‌സ് ബെംഗളുരുവിനെതിരായ മത്സരത്തില്‍ 164 റണ്‍സ് വിജയലക്ഷ്യം പിന്തുടരുന്ന ഡല്‍ഹി കാപിറ്റല്‍സ് മികച്ച നിലയിൽ. 15 ഓവറിൽ 121/ 4 എന്ന നിലയിൽ. ഇനി 30 പന്തിൽ ഡൽഹിക്ക് വേണ്ടത് 43 റൺസാണ്.

73 റൺസുമായി കെ എൽ രാഹുലും, 15 റൺസുമായി ടി സ്റ്റബ്‌സുമാണ് ക്രീസിൽ ഉള്ളത്. ഫാഫ് ഡു പ്ലെസിസ് (2) ജേക്ക് ഫ്രേസര്‍-മകഗുര്‍ക് (7), അഭിഷേക് പോറല്‍ (7) അക്ഷർ പട്ടേൽ എന്നിവരുടെ വിക്കറ്റുകളാണ് ഡല്‍ഹിക്ക് നഷ്ടമായത്. ഭുവനേശ്വര്‍ കുമാര്‍ രണ്ട് വിക്കറ്റ് വീഴ്ത്തി. യഷ് ദയാലിന് ഒരു വിക്കറ്റുണ്ട്.

നേരത്തെ, ആര്‍സിബിക്ക് വേണ്ടി ഫിലിപ് സാള്‍ട്ട് (17 പന്തില്‍ 37), ടിം ഡേവിഡ് (20 പന്തില്‍ 37) എന്നിവർ മികച്ച പ്രകടനം പുറത്തെടുത്തു. ഡല്‍ഹിക്ക് വേണ്ടി വിപ്രജ് നിഗം, കുല്‍ദീപ് യാദവ് എന്നിവര്‍ രണ്ട് വിക്കറ്റ് വീതം വീഴ്ത്തി.

സാള്‍ട്ടിനും ഡേവിഡിനും പുറമെ രജത് പടിധാര്‍ (23 പന്തില്‍ 25), വിരാട് കോലി (14 പന്തില്‍ 22) എന്നിവര്‍ ഭേദപ്പെട്ട പ്രകടനം പുറത്തെടുത്തു. മികച്ച തുടക്കമായിരുന്നു ആര്‍സിബിക്ക്. ഒന്നാം വിക്കറ്റില്‍ സാള്‍ട്ട് – കോലി സഖ്യം 61 റണ്‍സ് ചേര്‍ത്തു. തുടര്‍ന്ന് ടിം ഡേവിഡ് നടത്തിയ പോരാട്ടമാണ് സ്‌കോര്‍ 150 കടത്താന്‍ സഹായിച്ചത്.

Story Highlights : IPL 2025 RCB VS DC Live updates