‘സംഘടനയെ പാർട്ടി തങ്ങളുടെ ചിറകിനടിയിൽ ഒതുക്കാൻ ശ്രമിക്കുന്നു’; കോട്ടയം സിപിഐ ജില്ലാ സമ്മേളനത്തിൽ നേതൃത്വത്തിനെതിരെ AIYF

സിപിഐ കോട്ടയം ജില്ലാ സമ്മേളനത്തിൽ നേതൃത്വത്തിനെതിരെ രൂക്ഷവിമർശനവുമായി യുവജനസംഘടനയായ എ.ഐ.വൈ.എഫ് രംഗത്ത്. സമ്മേളനത്തിന്റെ പ്രസീഡിയത്തിൽ പോലും യുവജനങ്ങളുടെ സാന്നിധ്യം ഇല്ലാത്തതിനെയും, നേതൃത്വത്തിന്റെ യുവജനങ്ങളോടുള്ള അവഗണനയെയും എ.ഐ.വൈ.എഫ് പ്രതിനിധികൾ രൂക്ഷമായി വിമർശിച്ചു.

[ AIYF against the leadership]

പാർട്ടി ജില്ലാ സെക്രട്ടറി എ.ഐ.വൈ.എഫ് വിളിക്കുന്ന യോഗങ്ങളിൽ പോലും പങ്കെടുക്കുന്നില്ലെന്നും, സംഘടനയെ പാർട്ടി തങ്ങളുടെ ചിറകിനടിയിൽ ഒതുക്കാൻ ശ്രമിക്കുകയാണെന്നും പ്രതിനിധികൾ ആരോപിച്ചു. ജില്ലയിലെ പാർട്ടി പണപ്പിരിവിന് മാത്രമാണ് പ്രാധാന്യം നൽകുന്നതെന്നും പ്രതിനിധികൾ കുറ്റപ്പെടുത്തി.

Read Also: ‘ശ്വേതാ മേനോൻ ബോൾഡ് ആയ നടി; കേസിന് കാരണം സിനിമാ സംഘടനയ്ക്കുള്ളിലെ പ്രശ്നങ്ങൾ’; മന്ത്രി സജി ചെറിയാൻ

സമ്മേളനത്തിൽ അവതരിപ്പിച്ച സംഘടനാ റിപ്പോർട്ടിൽ എ.ഐ.വൈ.എഫിന്റെ പ്രവർത്തനങ്ങളെ വിമർശിച്ചിരുന്നു. ഇതിനുള്ള മറുപടിയായാണ് പൊതുചർച്ചയിൽ എ.ഐ.വൈ.എഫ് പ്രവർത്തകർ ശക്തമായ നിലപാടെടുത്തത്. യുവജനങ്ങളെ അവഗണിച്ച് മുന്നോട്ട് പോയാൽ ഭാവിയിൽ പാർട്ടിയുടെ നിലനിൽപ്പ് അപകടത്തിലാകുമെന്നും പ്രതിനിധികൾ ചൂണ്ടിക്കാട്ടി. ഈ വിഷയത്തിൽ ജില്ലാ നേതൃത്വത്തിന്റെ പ്രതികരണം ഇതുവരെ ലഭ്യമായിട്ടില്ല.

Story Highlights : ‘The party is trying to bring the organization under its wing’; AIYF against the leadership at the Kottayam CPI district conference