കേരളത്തില്‍ വലിയ തിരമാലയ്ക്ക് സാധ്യത

മഹാരാഷ്ട്രയിലേക്കാണ് ഓഖി ചുഴലിക്കാറ്റിന്റെ  ഗതിയെങ്കിലും കേരളത്തില്‍ വലിയ തിരമാലകള്‍ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. നാല് മീറ്റര്‍ ഉയരത്തില്‍ വരെയുള്ള തിരമാലകള്‍ ഉണ്ടാകുമെന്നാണ് മുന്നറിയിപ്പ്. കനത്ത മഴയ്ക്കും സാധ്യതയുണ്ട്. കഴിഞ്ഞ ദിവസം മുതല്‍ മുബൈയില്‍ കനത്ത മഴയാണ്. ഓഖി മുന്നറിയിപ്പിനെ തുടര്‍ന്ന് മഹാരാഷ്ട്രയില്‍ സ്ക്കൂളുകള്‍ക്ക് ഇന്ന് അവധി പ്രഖ്യാപിച്ചിരിക്കുകയാണ്.