വിദ്യാര്‍ത്ഥിനികളെ അനാശാസ്യത്തിന് പ്രേരിപ്പിച്ച അധ്യാപികയെ റിമാന്‍ഡ് ചെയ്തു

കോളജ്​ വിദ്യാർത്ഥിനികളെ അനാശാസ്യത്തിന്​ പ്രേരിപ്പിച്ച കേസിൽ അറുപ്പുക്കോട്ട പൊലീസ് അറസ്റ്റു ചെയ്ത സ്വകാര്യ ആർട്​സ്​ കോളജിലെ അസി. പ്രഫസർ നിർമലാദേവിയെ റിമാന്‍ഡ് ചെയ്തു ഏപ്രില്‍ 28 വരെയാണ് റിമാന്‍ഡ് ചെയ്തത്. ബി.എസ്​.സി മാത്​സ് മൂന്നാം വർഷ വിദ്യാർത്ഥിനികളായ നാലു പേരെ മധുര കാമരാജ്​ സർവകലാശാലയിലെ ഉന്നത ഉദ്യോഗസ്​ഥരുടെ ഇംഗിതത്തിന്​ വഴങ്ങാൻ പ്രേരിപ്പിച്ച കുറ്റത്തിനു കഴിഞ്ഞ ദിവസമാണ് ഇവരെ പൊലീസ് അറസ്റ്റ് ചെയ്തത്. വീട്​ അടച്ചുപൂട്ടി അകത്ത്​ കഴിയുകയായിരുന്ന ഇവരെ മൂന്ന്​ മണിക്കൂറിലേറെ സമയത്തിനു ശേഷം വാതിൽ പൊളിച്ച്​ അകത്തുകടന്നാണ്​ പൊലീസ്​ അറസ്റ്റ് ചെയ്തത്. ഇവരെ കോളജ്​ മാനേജ്​മ​ന്‍റ് അന്വേഷണ വിധേയമായി സസ്​പെൻഡ്​ ചെയ്​തിരുന്നു.