എന്‍സിപി സംസ്ഥാന പ്രസിഡന്റായി തോമസ് ചാണ്ടിയെ തിരഞ്ഞെടുത്തു

എന്‍സിപി സംസ്ഥാന പ്രസിഡന്റായി മുന്‍ മന്ത്രി തോമസ് ചാണ്ടിയെ തിരഞ്ഞെടുത്തു. നെടുമ്പാശേരിയില്‍ ചേര്‍ന്ന സംസ്ഥാന കൗണ്‍സില്‍ യോഗത്തിലാണ് തോമസ് ചാണ്ടിയെ തിരഞ്ഞെടുത്തത്. സംസ്ഥാന പ്രസിഡന്റായ ടി.പി. പീതാംബരന്‍ മാസ്റ്റര്‍ തല്‍സ്ഥാനത്ത് ഒഴിയും. ഏറെ നാള്‍ നീണ്ട അനിശ്ചിതത്വത്തിനൊടുവിലാണ് തോമസ് ചാണ്ടിയെ സംസ്ഥാന പ്രസിഡന്റായി തിരഞ്ഞെടുത്തിരിക്കുന്നത്. പ്രസിഡന്റ് പദവിയെ ചൊല്ലി തോമസ് ചാണ്ടി വിഭാഗവും എ.കെ. ശശീന്ദ്രന്‍ വിഭാഗവും തമ്മില്‍ ഭിന്നത നിലനിന്നിരുന്നു.