11
Dec 2018
Tuesday
24 Channel

നാല് ടയറുകളുമായി സര്‍വ്വീസ് നടത്തിയത് 29 കിലോമീറ്റര്‍; കെഎസ്ആര്‍ടിസി ഡ്രൈവര്‍ക്കെതിരെ കേസെടുത്തു

നാല് ടയറുകളുമായി കെഎസ്ആര്‍ടിസി ബസ് സര്‍വ്വീസ് നടത്തിയത് 29 കിലോമീറ്റര്‍. പുറകിലെ രണ്ട് ടയറുകളും അഴിച്ചു വെച്ച് ചേര്‍ത്തലയില്‍ നിന്നും നെട്ടൂര്‍ വരെ സര്‍വ്വീസ് നടത്തുകയായിരുന്നു.  ചേര്‍ത്തലയില്‍ നിന്നും വൈറ്റിലയിലേക്ക് സര്‍വീസ് നടത്തുന്ന ചേര്‍ത്തല ഡിപ്പോയിലെ ബസാണു നാല് ടയറുകളുമായി 29 കിലോമീറ്റര്‍ ഓടിയത്. സംഭവത്തില്‍ ബസ് ഡ്രൈവര്‍ക്കെതിരെ കേസെടുത്തു.

ചേര്‍ത്തല തണ്ണീര്‍മുക്കം സ്വദേശിയായ ബൈജു എന്ന ഡ്രൈവറിനെതിരെയാണ് കേസെടുത്തിരിക്കുന്നത്.ഇന്നു പുലര്‍ച്ചെ ഇയാള്‍ ഡിപ്പോയിലെത്തി കാര്‍ഡ് വാങ്ങി. കാര്‍ഡില്‍ രേഖപ്പെടുത്തിയ ബസിന്റെ നമ്പര്‍ ശ്രദ്ധിക്കാത്ത ഡ്രൈവര്‍ തന്റെ സ്ഥിരം ബസില്‍ കയറുകയായിരുന്നു. എന്നാല്‍ ഈ ബസിന്റെ ടയറുകള്‍ അറ്റകുറ്റപണികളുടെ ഭാഗമായി കഴിഞ്ഞ രാത്രി ഊരിമാറ്റിയിരുന്നു. ഇതറിയാതെ ഡ്രൈവര്‍ ബസ് വൈറ്റിലയിലേക്കു സര്‍വീസ് നടത്തി. യാത്രയ്ക്കിടെ മറ്റൊരു കെഎസ്ആര്‍ടിസി ബസിലെ ജീവനക്കാരന്‍ വിവരം പറഞ്ഞപ്പോഴാണ് ഡ്രൈവര്‍ കാര്യം അറിഞ്ഞത്. സംഭവം നാട്ടുകാരുടെ ശ്രദ്ധയിലും പെട്ടിരുന്നു. തുടര്‍ന്ന് നെട്ടൂര്‍ ഐഎന്‍ടിയുസി ജംഗ്ഷനിലെത്തിയപ്പോള്‍ സമീപത്തെ തൊഴിലാളികളും നാട്ടുകാരും ചേര്‍ന്ന് ബസ് തടഞ്ഞു വിവരം പൊലീസില്‍ അറിയിക്കുകയായിരുന്നു.

Breaking News:
ഛത്തീസ്ഗഡില്‍ കോണ്‍ഗ്രസ് ലീഡ് ചെയ്യുന്നു. കോണ്‍ഗ്രസ് - 64, ബിജെപി - 20, മറ്റുള്ളവര്‍ - 06
തെലങ്കാനയില്‍ ടി.ആര്‍.എസ് ലീഡ് ചെയ്യുന്നു. കോണ്‍ഗ്രസ് - 23, ടി.ആര്‍.എസ് - 85, മറ്റുള്ളവര്‍ - 08
മധ്യപ്രദേശില്‍ കോണ്‍ഗ്രസ് ലീഡ് ചെയ്യുന്നു. ബിജെപി - 110, കോണ്‍ഗ്രസ് - 109, മറ്റുള്ളവര്‍ -11
രാജസ്ഥാനില്‍ കോണ്‍ഗ്രസിന് വ്യക്തമായ ലീഡ് കോണ്‍ഗ്രസ് - 101, ബിജെപി - 75, മറ്റുള്ളവര്‍ - 23
മിസോറാം എം.എന്‍.എഫ് - 24, കോണ്‍ഗ്രസ് - 06, മറ്റുള്ളവര്‍-09
Top