സംസ്ഥാനത്ത് ​ഗുരുതര സാമ്പത്തിക പ്രതിസന്ധിയെന്ന് ഒാഡിറ്റ് റിപ്പോർട്ട്

സംസ്ഥാനത്ത് ​ഗുരുതര സാമ്പത്തിക പ്രതിസന്ധി. ഇത് വ്യക്തമാക്കുന്ന ഒാഡിറ്റ് റിപ്പോർട്ട് പുറത്തുവന്നു. റവന്യൂ കമ്മി പൂജ്യമാക്കുകയെന്ന ലക്ഷ്യം വിദൂരമാണ്. നിലവനിലെ റവന്യൂ കമ്മി 6928 കോടിയെന്ന് ഒാഡിറ്റ് റിപ്പോർട്ടിൽ പറയുന്നു.

മൊത്തം ചെലവിന്റെ 19.95 ശതമാനം പെൻഷന് വേണ്ടി ഉപയോ​ഗിച്ചു. 15.13 ശതമാനമാണ് പലിശയിനത്തിലെ ചെലവ്. പെൻഷൻ-പലിശ ചെലവ് സർവകാല റെക്കോർഡിലാണെന്ന് ഒാഡിറ്റ് റിപ്പോർട്ടിൽ പറയുന്നു. ഫണ്ട് വിനിയോ​ഗത്തിലെ ബിൽ നൽകുന്നതിലും വീഴ്ച സംഭവിച്ചു. രണ്ട് വർഷം മുൻപുള്ള ഫണ്ടിനു പോലും ബിൽ നൽകിയില്ല. രണ്ട് വർഷങ്ങളിലായി സമർപ്പിക്കാനുള്ളത് അൻപത്തിയെട്ട് ബില്ലുകളെന്നും റിപ്പോർട്ടിൽ വ്യക്തമാക്കുന്നു