ഗിറ്റാറില്‍ മാന്ത്രിക സ്പര്‍ശമേകാന്‍ ഇനി ഗ്ലെന്‍ ഫ്രെ ഇല്ല.
അമേരിക്കന്‍ റോക്ക് ബാന്റായ ഈഗിള്‍സിന്റെ ആല്‍ബങ്ങല്‍ കേട്ടവര്‍ അതിലെ ഗിറ്റാറിന്റെ സ്വരങ്ങള്‍ ശ്രദ്ധിക്കാതിരിക്കില്ല. അത്രയക്ക് മാന്ത്രികമായിരുന്നു ഗ്ലെന്‍ ഫ്രെയുടെ വിരലുകള്‍. ഇനി ആ മാസ്മരിക വിരലുകള്‍ ചലിക്കില്ല. ഗിറ്റാറുകളില്‍ മാന്ത്രിക സംഗീതം പൊഴിക്കില്ല.
റുമറ്റോയിഡ് ആര്‍ത്രൈറ്റിസിനുള്ള ചികിത്സയിലായിരുന്നു ഫ്രെ. എന്നാല്‍ കടുത്ത ന്യൂമോണിയ ബാധ കൂടിയായതോടെ മരണത്തിന് കീഴടങ്ങേണ്ടി വന്നു ഗിറ്റാറുകളുടെ കൂട്ടുകാരന്. 67-ാം വയസ്സില്‍ ലോകത്തോട് വിട പറഞ്ഞ ഫ്രെ ഒരു ഗിറ്റാറിസ്റ്റ് മാത്രമായിരുന്നില്ല. പ്രശസ്തമായ ‘ഹോട്ടല്‍ കാലിഫോര്‍ണിയ’യക്ക് വരികളെഴുതിയത് ഡോണ്‍ ഹെന്‍ലിയോടൊപ്പം ഗ്ലെന്‍ ഫ്രെയും ചേര്‍ന്നായിരുന്നു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
