26
Oct 2021
Tuesday
Covid Updates

    ഡെൽഹിക്കായി കാത്തിരിക്കുന്നു ജല എടിഎം മെഷീനുകൾ

    വേനൽ ചൂടിൽ രാജ്യം പൊള്ളിപ്പിടയുമ്പോൾ ദാഹമകറ്റാൻ രാജ്യതലസ്ഥാനത്ത് ജല എടിഎം മെഷീനുകൾ എത്തുന്നു. ഡെൽഹിയിലെ മൂന്ന് നഗരസഭകളിലൊന്നായ ന്യൂഡെൽഹി മുനിസിപ്പൽ കോർപ്പറേഷൻ പൊതു-സ്വകാര്യ പങ്കാളിത്ത പദ്ധതിയായി ജല എടിഎം തുടങ്ങുന്നതിന് താൽപര്യപത്രം ക്ഷണിച്ചു. സ്മാർട്ട് സിറ്റി പദ്ധതികളുടെ ഭാഗമായി 118 കേന്ദ്രങ്ങളിൽ എടിഎം സ്ഥാപിക്കാനാണ് പദ്ധതി.

    എടിഎമ്മുകളുടെ രൂപകൽപ്പന, നിർമ്മാണം, നടത്തിപ്പ് എന്നിവ പൊതു-സ്വകാര്യ പങ്കാളിത്തത്തോടെയാണ് നടപ്പിലാക്കുക. മുനിസിപ്പൽ കോർപ്പറേഷനിൽനിന്ന് എടിഎം നടത്തിപ്പുകാർക്ക് വെള്ളം വാണിജ്യ നിരക്കിൽ ലഭ്യമാക്കും. നിരക്ക് ഇതുവരെ നിശ്ചയിച്ചിട്ടില്ല. വർഷത്തിൽ എഴ് ശതമാനം വരെ ഉയർത്താനും വ്യവസ്ഥയുണ്ട്.

    കാൽ ലിറ്റർ മുതൽ 20 ലിറ്റർ വരെ വെള്ളം കുപ്പിയിൽ നിറക്കാൻ ഉപയോക്താക്കളെ അനുവദിക്കും. ചെറിയ ഗ്ലാസ്സുകൾ എടിഎമ്മിൽതന്നെ ലഭ്യമാക്കും. രാവിലെ ആറുമുതൽ രാത്രി 10 വരെ എടിഎം കൗണ്ടറുകൾ പ്രവർത്തിക്കും. ഒരു എടിഎം മെഷീനിലും വാണിജ്യാടിസ്ഥാനത്തിലുള്ള പരസ്യങ്ങൾ അനുവദിക്കില്ല. നടത്തിപ്പിലെ അപാകതയ്ക്ക് പ്രതിദിനം 5000 രൂപ വരെ പിഴ ചുമത്തും.

    എടിഎം മെഷീനുകൾ സ്ഥാപിക്കാനിരിക്കുന്ന പ്രധാന സ്ഥലങ്ങൾ ഇവയാണ്; ഖാൻ മാർക്കറ്റ്, ജൻപദ്, കൊണോട്ട് പ്ലേസ്, സഫ്ദർജംഗ് റോഡ്, ജന്ദർ മന്ദർ, തൽക്കത്തോറ ഗാർഡൻ, ലോദി ഗാർഡൻ.

    കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
    COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

    Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top