Advertisement

രതി വൈകൃതങ്ങളുടെ പെരുമ്പാവൂർ; അനാശാസ്യ കേന്ദ്രങ്ങളുടെ ഞെട്ടിക്കുന്ന ദൃശ്യങ്ങൾ

June 20, 2016
Google News 2 minutes Read

‘പാലക്കാട് താഴങ്കണ്ടം ചിറ ‘… പേര് കേട്ടാൽ തോന്നില്ലങ്കിലും ഇതൊരു വ്യഭിചാര ശാലയാണ് ! കണ്ടാൽ അറയ്ക്കുന്ന വൃത്തിഹീനമായ ചെറു മുറികൾ… സ്ത്രീകളെ വിൽപ്പനയ്ക്കായി നിരത്തി ഇരുത്തിയിരിക്കുന്നു. ദുർഗന്ധം തങ്ങി നിൽക്കുന്ന അന്തരീക്ഷത്തിലെ വായുവിൽ പോലും രോഗാണുക്കൾ ഉറപ്പ് ! മലയാളിക്ക് പരിചിതമല്ലാത്ത ലഹരിയുടെ അന്യമായ ഗന്ധം ഓരോ ശ്വാസത്തെയും ബാധിക്കുന്നു! ഗുട്ക്കയുടെ കൊഴുത്ത തുപ്പൽ വീണു കറുത്ത് പോയ ചുമരുകൾ… ! ഇത് നിയമം കടന്നു ചെല്ലാൻ മടിക്കുന്ന അധോലോകം…! പെരുമ്പാവൂരിൽ സമാന്തര സർക്കാരുകൾ ഉണ്ടെന്ന് ഒരു ഞെട്ടലോടെ തിരിച്ചറിയുക. കേട്ടറിവല്ല… ഇത് ഞങ്ങളുടെ ക്യാമറ കണ്ണുകൾ ഒപ്പിയെടുത്ത സത്യം.

‘പാലക്കാട് താഴകണ്ടം ചിറ ‘ പെരുമ്പാവൂരിലെ വേശ്യാലയങ്ങളിൽ ഒന്ന് മാത്രം ! ‘മാവിൻ ചുവട്’ , ‘ അറയ്ക്കപ്പടി’ , ‘മഞ്ഞപ്പടി’ … പെരുമ്പാവൂരിലെ അന്യസംസ്ഥാന തൊഴിലാളികളുടെ രതി വൈകൃതങ്ങൾ ഒഴുകിപ്പരക്കുന്ന മാംസവ്യാപാര കേന്ദ്രങ്ങൾക്ക് മനോഹരവും , മലയാളിത്തം തുളുമ്പുന്നതുമായ പേരുകൾ ഇങ്ങനെ നിരവധി. പെരുമ്പാവൂരിന്റെ അഞ്ചു കിലോമീറ്റർ ചുറ്റളവിൽ ചെറുതും വലുതുമായ അമ്പതിലധികം വേശ്യാലയങ്ങൾ പ്രവർത്തിക്കുന്നു. ആലപ്പുഴ , ഏറണാകുളം , ചാലക്കുടി , തൃശൂർ തുടങ്ങിയ പ്രദേശങ്ങളിലെ അന്യസംസ്ഥാന തൊഴിലാളികൾ അവരുടെ ലൈംഗികാവശ്യങ്ങൾക്കായി എത്തിച്ചേരുന്നത് പെരുമ്പാവൂർ ആണ്. അതിനായി ചുവന്ന തെരുവുകൾ തന്നെ ഇവിടെ രൂപപ്പെട്ടു കഴിഞ്ഞു .

perumbavoor

ബ്രാൻഡുകൾ ഒന്നും രേഖപ്പെടുത്താത്ത നാടൻ വെട്ടിരുമ്പ് കളർ കലർത്തി വിൽക്കുന്ന ബാറുകൾ , ചീട്ടുകളി കേന്ദ്രങ്ങൾ എന്നിവ പെരുമ്പാവൂരിൽ ധാരാളം. സർക്കാരുകളുടെ മദ്യ നയമൊന്നും ഇവിടങ്ങളിലെ മാലിക്കുകളെ ബാധിക്കില്ല. അന്യസംസ്ഥാന തൊഴിലാളികളുടെ മലയാളി ഏജന്റുമാർ ആണ് ‘മാലിക്കുകൾ’. വേശ്യാലയം , ചീട്ടുകളി കേന്ദ്രം , ബാർ, ‘നീലത്തുണ്ടു’കൾ തിരുകി സിനിമ പ്രദർശിപ്പിക്കുന്ന തീയറ്ററുകൾ ഒക്കെ നടത്തുന്നത് മലയാളികളായ പ്രാദേശിക ഗുണ്ടകളാണ്. വിയർത്ത് കിട്ടുന്ന കൂലിയൊക്കെ പിഴിഞ്ഞെടുക്കുന്ന മലയാളി വ്യാളികളായ ഈ ‘മാലിക്കുകൾ’ കോടീശ്വരന്മാരാണ്. ഇവരുടെ പണത്തിന് മീതെ ഒരു പരുന്തും പറക്കില്ല. ജിഷയുടെ നീതി വൈകിയതിന്റെ കാരണം തിരയാൻ പോകുന്ന വഴികളിൽ ഇത്തരം കോടീശ്വരന്മാരുടെ പണക്കിലുക്കം വഴിമുടക്കി നിൽക്കുന്നുണ്ട് ഇപ്പോഴും.

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here