25
Sep 2021
Saturday

ടോയ്‌ലെറ്റിനോ റെസ്റ്റ് റൂമിനോ അല്ല ഈ വേർതിരിവ്!!

ചങ്ങനാശ്ശേരി എസ് ബി കോളേജിലും മാനേജ്‌മെന്റിന്റെ ലിംഗവിവേചനമെന്ന് ആരോപണം. കൊടിക്കുന്നിൽ സുരേഷ് എംപിയുടെ പ്രാദേശിക വികസന ഫണ്ട് ഉപയോഗിച്ച് കോളേജിൽ നിർമ്മിച്ച ഡൈനിംഗ് ഹാളിൽ ആൺകുട്ടികൾക്കും പെൺകുട്ടികൾക്കും വെവ്വേറെ ഇടങ്ങളിൽ ഇരിപ്പിടം ഒരുക്കിയിരിക്കുകയാണ്.

കോഴിക്കോട് ഫറൂഖ് കോളേജിൽ ആൺകുട്ടികൾക്കും പെൺകുട്ടികൾക്കും പ്രത്യേകം ഇരിപ്പിടം ഒരുക്കിയതിനെതിരെ പ്രതിഷേധിച്ചവർ പോലും എസ് ബിയുടെ കാര്യത്തിൽ മൗനം പാലിക്കുകയാണെന്ന ആരോപണവും ശക്തമാണ്. അധ്യാപകരും വിദ്യാർഥികളുമടക്കം സംഭവത്തിൽ പ്രതിഷേധവുമായി രംഗത്തെത്തിയിട്ടും മാനേജ്‌മെന്റിന്റെ ഭാഗത്തു നിന്ന് മറുപടി വന്നിട്ടില്ല.gg

കേരളത്തിൽ സ്വയംഭരണാധികാര പദവി ലഭിച്ച ആദ്യ കോളേജാണ് ചങ്ങനാശ്ശേരി എസ് ബി കോളേജ്. ഈ പദവി ലഭിച്ചതോടെ കോളേജിൽ നടക്കുന്നത് അരാഷ്ട്രീയതയാണെന്നും വിദ്യാർഥികൾ പലവിധ വിലക്കുകൾക്കും നടുവിലാണെന്നും മുമ്പേ അഭിപ്രായങ്ങൾ ഉയർന്നിരുന്നു. വർഷാവർഷം നിർബന്ധിത ധ്യാനവും ആഴ്ചയിലൊരു ദിവസം എന്ന കണക്കിൽ നിർബന്ധിത സദാചാരപഠന ക്ലാസ്സും നടത്താറുള്ള കലാലയമാണിത്.ഇതിനെതിരെ പല രീതിയിലും വിദ്യാർഥികളുടെ ഭാഗത്തു നിന്ന് പ്രതിഷേധങ്ങൾ ഉയർന്നിട്ടുമുണ്ട്.hhകോഴിക്കോട് ഫറൂഖ് കോളേജിൽ സമാനരീതിയിലുള്ള സംഭവം അരങ്ങേറിയപ്പോൾ പ്രതിഷേധങ്ങൾക്ക് ശക്തമായ പിന്തുണ നല്കിയവർ ഈ ക്രിസ്ത്യൻ മാനേജ്‌മെന്റ് കോളേജിന്റെ നടപടിയ്ക്കു നേരെ എന്തു കൊണ്ട് കണ്ണടയ്ക്കുന്നു എന്നാണ് ചോദ്യങ്ങളുയരുന്നത്.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top